Read Sumi Naga JOB 27 Bible Online

JOB 27 - Sumi Naga bible

JOB 27

¹Alhou jelono tushoqhi ani, pano ivehu achipi lono xathatsumoke, Tuchomujokulu Lhou no ipelo kukhu kimji shi xu anipeke.

³Ikuxu ake kutolo eno Alhou tuthu ingipe lo ake kuto,

⁴imtsu no akimki tsa pimoni eno imli no akipichi tsa piqhimoni.

⁵Nonguye achipie pi niye khilemu pimo nani. Ino xuake tivilo niye iwu kikhikighi xuchekeu phemo nanie.

⁶Imikucho tsuqupe aphie eno ti phemo nani. Ino xuighive keulo imlo ithavekepu lakhimu kuhae.

⁷Ighumi pelo kusakughami hutoive pelo, eno imujochile akemi pelo amikucho kumomi toive pelo.

⁸Alhou kumthami ye Alhou no pano kuxu ikhisuwuve ke ghulokilo lajupu kiu ani kya?

⁹Shiluksa pa shou ighikelo Alhou ye pa ghugha initsu nani kesha?

¹⁰Pano ye Tuchomujokulu Lhou lau azukuvu-alu eno ado kumtsu pa vilo inikhulu nani ma?

¹¹Alhou kukaye kiutoi kije keno ino nongu shikanie, Tuchomujokulu Lhou no kiu pughu puani keno niye kusuve moke.

¹²Ikemu le, nonguno hi kumtsu ithuluve aghiaye nonguye kushiye mbomzu tsa pi ani kya?

¹³Alhou no hitoi kusakughami sala kutope puani, eno Tuchomujokulu Lhou launo timi nedaqoda chekemi no ajume hi ithulu cheni.

¹⁴Pa nuli kutomo ikowo aghiluvi, ikemu tipaqoye ghuyi lono wonike, eno pa tianuliye achuqupu chukumkha ithumla nani.

¹⁵Thikhamono aghikeqoye kusukini lono thive nani, eno panongu nipu qono muloqa sutsumo nani.

¹⁶Panoye tsandiyino phikhamla kepu shi qhe aghiluvi, eno tiphimini no kishekishe tsughuqhepe puaghi luvi,

¹⁷ikemu amikuchomino ti pepu nani eno kuqumono aghi kemino tsandiyi kijeluve nani.

¹⁸Pano aki shikeu ghi aghau pusu paphie, momu alu khemi ghazu paphie.

¹⁹Ashekhani kuto kinimi shighi zuhuluvi, ikemu tishi pushumoe, eno pa nhethi tsukho ithughi kelo tipaqo hauve aghi nani.

²⁰Shithughui keuno zuqolo zu toi pa haluve nani, putholo pasapagha no pa fupewuve nani.

²¹Miyitsutsu no kunguu pa fusakuve no paye kuhave nani, tino pa ki lono kushuwalo pa fusawuve nani.

²²Tino[19] kimiyemo mithe puzu pa shou kuzapuku nani tipau kumto zulo paye kohakive po nani.

²³Tino pa shou au boboshi kukhu nani, eno tino tipa-a shou jiji shi nani.