Read Sumi Naga JOB 37 Bible Online

JOB 37 - Sumi Naga bible

JOB 37

¹Tishikelo imlo no kukushive no tipa alono amlo mpani keshive.

²Pa sutsano ighakeu eno pa kichi lono tsutsusu ipeghikeu nonguno tsaqui inilo.

³Pano tipau pelo atsutsu qholo aqha kumtsu vekipighi pe, eno pawu tsutsuphano ayeghi shekichi kuto tope ke.

⁴Tileno pa sutsano ighakeu chilue, pa sutsa kuchuqu lono pano tsutsu sue, pa sutsa chiluakelo tsutsupha ngove aghikeu shimoe.

⁵Alhou no pa sutsa kuchuqu lono igha cheni, ninguno ithiwo tokhamla keu akumzapu kumla shive cheni.

⁶Kughengu pano murasu vilo ayeghi shou ikulo picheni, eno tsuqhu tsughu keu vilo bobo shi ghulo picheni.

⁷Pano timi pelo mulawu mlano khathape ngove chenipe tiye kumtsu pelo Alhou kumla ithipeni yeke.

⁸Tughashi no pututa kughutshupuki lo wuve cheni, eno pututa alo ngo auve cheni.

⁹Apeu no pasapagha ighicheni, eno ahuu no akumko ighi cheni.

¹⁰Amlhu no avuzu shiphetsu cheni, eno azu chopesu akeu fupuhave cheni.

¹¹Khungkusu khumkhulei keu pelo apughu xapu pe, eno phuphuyi keu khungkusu pano apanaghayi chenipe.

¹²Eno pano kichepiye keu lono tipaqo no vehokide cheni: Ayeghi shou aqha kumtsulo Alhou no kiu shilopini keno shinikehue.

¹³Ghasunikeu ghengu na, momu payeghi ghengu na, momu kimiyeni keu ghengu namu pano tipau pelo phemove chenipeke.

¹⁴Hi inilo, Job, inaqhoi shino Alhou no akumzapu mlakeu kumsukuto julo.

¹⁵Alhou no kughubekeu eno paw khungkusu kuvu pelo yepuvu pekeu nono ithi ani kesha?

¹⁶Khungkusu no kunguu taiqhoiqi akeu, hi Alhou wu viwotolu keu kighithino akumzapu shi mlapu akeu nono ithi ani kesha?

¹⁷Pano apeu mulhu pesu ayeghi hasu aye, ophimini luvuyive chemo kesha?

¹⁸Noye Alhou sasu atsutsu sukholu nani kesha? Ayi azu tsupu akeshi ti akumgha shilupe nani kesha?

¹⁹Pa vilo kiu pikepu kela ni pithitsulo, kughengu mamai kelauno ninguye akukumsu kiumu kimshilu amoe.

²⁰Ino piniepi pa vilo pikepu kesha? Timino pi puzu Alhou pelo pa kutsave peniye kesha?

²¹Timino khungkusulo akuvu vuqai akeu ithumlae, ikemu amlhuno vecheghi tipaqo khukimtheve chenie.

²²Ahuu kudau no mulapuyi keu ithulue eno Alhou jukuvu no ni ghuchheqhie.

²³Alhou ye ningu no phukhawo tomlae, paye akuka eno achipi lono kugha tsukeu lo kijeke; amikuchono chhitoi ke, paye ighove moe.

²⁴Tighenguno timino pa sumsa cheni, eno khunono alikhi ampi pesu alokutsue pini keno pano juchemoe.