Read Sumi Naga JOB 8 Bible Online

JOB 8 - Sumi Naga bible

JOB 8

¹Bildad Noye khitohi hipaqo vehu piani eno okichi lono atsa khije zale ani kya?

³Alhou ye achipiu suchighini kesha? Momu Tuchomujokuluu ye amikucho suchighini kesha?

⁴Onuliqono pa shou axine shive kenia ke, Ikehu panonguno Alhou hebideke qhemi aghime tsuke.

⁵Itehimu nono Alhou phuju aye, eno Tuchomujokuluu vilo khuini aye;

⁶nono mutsumishei eno muzuchoyi aghi aye, tishiaye Alhou no okuphunike ilhe thughi nani eno okibo sachilesawo osaxu shighi otsu nani.

⁷Okuxu abothu loye aghulo shi anamu okuxu ashekha lauye kije shive nani.

⁸Wovekeu tiqhelimi vilo kighinikile julo, apuasuqono kiu phulu kela kumsukuto julo.

⁹Kughengu ninguye ighinati aphie eno kiumu mthae, ayeghilo ningu kuxuye yekhukeu paphie.

¹⁰Wovekeu tiqhelimi pelo okutsu eno ovilo pipelo, eno pano lokutsu piju pelo.

¹¹Anixoxo-a kuhakelo ye asalebo ipeghi nani kesha? Azu kuhakelo ye amtubo ani kesha?

¹²Ti miche thumono pu aphi lono azu hauve aye kutau sutsuni zuu no ighuyive cheni.

¹³Alhou kumsumavekemi laghiye tipaphie; Alhou thaigha kemi kupulo ye puhave nani.

¹⁴Pano mlo kumtoye ayethi paphie. Pano kupukhuye thalaxuta paphie.

¹⁵Pano ki mumupe anamu tino ilave nani, pano no ti choqhe namu tino mtotoimo nani.

¹⁶Pano ye alupino tsukinhe ye lo thuwu aketoi, eno atsunino aghutu qunha aketoike;

¹⁷Tipaqo kuhuno ama ghokunaluve cheni eno atuqu vehope acheni.

¹⁸Ikemu tipaqo pano-a lono nhuve aye pa mtha keshi ishipi nani: “Niye no ithumlae”

¹⁹Iye, kusakughami lokiviye tilikhi ke, kutamino pano alo lhoipeghive nani.

²⁰Inilo, Alhou ye khilemu viwotolu kemi leve chemoe, momu kusakughami sunhekicheluve chemoe.

²¹Alhou no kunuvuqai keu gi otsu nani, eno opelo euhehe shilupe nani.

²²Alhou no omithichekeqo pelo kujo muzakepu sholuvepe nani. Eno kusakughami kibo hauvepe nani.