Read Sumi Naga LESHELE 116 Bible Online

LESHELE 116 - Sumi Naga bible

LESHELE 116

¹Niye AMPEU kimiye cheni, kughengu pano isutsa initsu cheni eno ino qhuinijukeu initsu cheni.

²Ino pa kuke kumtsulo isutsa initsu cheni.

³Akithi kuighupuno isumxaluve; akumoki mughuno ipunukhoive, niye akumsa eno kutakihi keu no chhitoive.

⁴Tileno ino AMPEU vilo pi, “Ino oqhuiniju ani, O AMPEU ixalulo!”

⁵AMPEU ye kimiyekini eno aloke; ni Lhou ye qhuivulayikeu.

⁶AMPEU no akukuphu kuhakemi susho cheni; ino akuighupulo akelo pano ixalu.

⁷Imlo, mutotoilo ithakevilo, kughengu AMPEU ye ilau alo achenike.

⁸AMPEU no akithi launo ixaluve; pano inhezu tavepe eno ihaleluve pemoke.

⁹Ikehu niye kuxumi yeghilo AMPEU gholono xu ache nani.

¹⁰Niye pulu acheni, kughono ino “Niye itapinyivea kena!” ipi puaghi namu.

¹¹Ino musave puzu, “Khumu pukhu mla kena!” ipi pipuaghi namu.

¹²AMPEU no ilau akivi shikeu ghenguno niye kiu pe pa tsuni kya?

¹³Ixalukeu ghenguno atsayi-ji kumlla gho lakhi pesu AMPEU shikimthini,

¹⁴Pawu timiqo kuhokumqo akelo ino piqhipuakeu pesu pa tsuni.

¹⁵AMPEU timi lakhi thivekelo tiye pa pelo amlo kusapu shive ani!

¹⁶AMPEU niye oqeuke; izano shiche ketoi ino oqe cheni. Nono akithi lono ixaluke.

¹⁷Niye shikimthikeu kumllagho lakhi pesu otsuni eno ikighini pesu otsuni.

¹⁸Ino AMPEU vilo tushoqhikeu pesu pawu timiqo no kuho akelono pa tsuni.

¹⁹Tiye AMPEU kilo pa ghuno-alo Jerusalem mtalo akeu-alo. AMPEU sheqhelo!