Read Sumi Naga LESHELE 2 Bible Online

LESHELE 2 - Sumi Naga bible

LESHELE 2

¹Kushiye ashiayeh kutamiye hebide ipeghi ani eno timi qoye adou kuchughu ani kya?

²Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

³Panonguno ishi pi, “Ningu tsughape puakeu lono vetha ipeveni eno panongu kichhekighi puthaipeveni nolo.”

⁴Kungugha kuka-lakhulo akeu AMPEU no junu ani eno panongu kukughu shou jukunathave ani.

⁵Tileno pano aloghu ide panongu sakiyi eno pa xuide puzu panoqo kichi thughuyi.

⁶Pano pi, “Ino iwu akimthe toghi Zion shou ikukau qhipe puani.”

⁷Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

⁸Ivilo khulo, ino ashiayeh kutami kumtsu omheghipu shi tsuni eno ayeghiqha owu shipeni.

⁹Nono ayikusu pesu panoqo shou ayehpe nani, panoqoye ayeghili toi nono hephopinyi nani.’ ”

¹⁰Tighenguno kukamiqo alotsulo, ayeghilo ayehkipemiqo, ghutululo.

¹¹Musa-ighu ghi AMPEU qelo;

¹²Khokhoshi pa zulo itsaiqilo, tikumoaye, pano aloghu ide ithughive nani eno nonguye zuleno thive nani. Khunono pa suijelu cheni keno tipano lokivipue.