Read Sumi Naga LESHELE 32 Bible Online

LESHELE 32 - Sumi Naga bible

LESHELE 32

¹[34] Khunoqo xine pevetsua keno tipaqo lokivipue, Khunoqo xine nhavetsua keno tipaqo lokivipue.

²Timi khunono kuquvemu AMPEU no kihikula tsumoni keno tipano lokivipue. khuno lolo pishikiqhi kuha keno tipano lokivipue.

³Kughou ino ixine piphevemo nikeno, ajupuka amlo ijukeu lono niye aghi kumsayive.

⁴Putho pucho nono ighimeqhike, AMPEU; Thonitsaniyi akeu akulu tsala lono pugha puhave keshi ikumto qhaivae.

⁵Tileno ino ixine ovilo pipheve eno niye ino shipimivekeu kusuvemoe. Ino AMPEU lau ixine piphe nikeu shi xathaluve, tileno nono ixine kumtsu pevetsu.

⁶Olau amlo kutsumi kumtsuno shiluksalo inikhu kepuke; kughou shiluksano azukuqo toi ighipimu tiye panoqo tomove nani.

⁷Noye ikughutshua lakhike, shiluksa lono nono ixalu cheni. Owu xakulule ino ighamuku pheni kughengu nono isusholuke.

⁸AMPEU no pi, “Nono kishi wukepu kela ino oshikani; ino okiche piyeni eno ovilo piputotsuni.

⁹Khurshi momu khurshitsu toi vethamla keu shikevilo, hipaqoye ivunheyi penike akichi kuputapu ngo akutshu kighi pesu sunhe chilemasa cheni.”

¹⁰Alhoksamiye shilusa nani, ikemu khunono AMPEU pukhu cheni keno pawu iqemokeu kikimiyeno susholu cheni.

¹¹O amikuchomiqo, AMPEU no kiu shivetsuakeno tipaulo alokivishi lo, Nongu pa ghokulumiqo, alokivi launo ighamukulo!