Read Sumi Naga LESHELE 39 Bible Online

LESHELE 39 - Sumi Naga bible

LESHELE 39

¹[40] Ino pi, “Ino kiu kiu shinamu kutokupui nicheni eno imili pesu axine shini chemoe; Timi lhoksami zulo niye kiumu pini chemoe.”

²Niye iquneive eno atsa lakhimu pimoe, akivipu tsamu kiumu pimove! ikemu ighime alomo kithe thuve.

³Ilolo muqhomza a-a shimove. Ino khije kumsuju keno tijehi niye shilusa kitheve; niye ishi iniju mokelo ngomlave:

⁴“AMPEU, ikuxu shekha ipelo ithipelo eno niye ado khitohi likhi xu anani kya? Ikuxuye kughono thiveni cheni keno ivilo pitsulo!”

⁵Nono ikuxu kishi kughukhove tsu kya! ozulo ikuxu tsalaye kumu kuhae. Mutsuqheyino timi kuxuye atuthu kishe lakhi qhemi likhie,

⁶timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

⁷Tishiaye, niye kiu laju akepu ani kya? AMPEU, ino oshou lajukeu beni.

⁸Ixine kumtsu lono ixapheluve tsulo, mbomuzumi pelo ijunuqhi apekevilo.

⁹Niye inaqhoivae, niye atsa lakhimu pimovae kughengu nono ipelo hitoi aghimeshi anipeke.

¹⁰Hinguno alau iheqhi akevilo, niye o-usugha lono thiveniye kutovae.

¹¹Nono shikighime keu pesu timi xine shou aghime tsu cheni, pano kimiye kupu akeu hu amimi paphishi kutsave cheni. Mutsuqheyino timiye atuthu kishe nguno alau kumoe.

¹²Ikighini chilutsulo, AMPEU, ino ighamuku akeu initsulo; Ino qa-akelo ikuphumono ngoauve kevilo. Ipuasuqo toi niye ado ikhonheyi oghenguno inami paphike.

¹³Ilikhi qhivelo, tishianguno ino cheve mphi lono eno kuhave mphi lono amlo qilunike.