Read Sumi Naga LESHELE 48 Bible Online

LESHELE 48 - Sumi Naga bible

LESHELE 48

¹[48] AMPEU ye kije eno niLhou phughilo shishe pa sheqhe kepuke!

²Pa kimthe toghi Zion, Alhou wu naghutoye chuqumghai eno jukivike; Akukau akijeu phughino ayeghiqha kumtsulo lokivi sughi.

³Aphughi liwo alou mtsuqheyino sushokulu akeu Alhou ampino pephepiye.

⁴Kukamiqono kuhokumqono Zion toghi leniye ighi.

⁵Ikemu panonguno tipau ithulu kelo, panonguye akichiqhive; panonguye musaveno koha pove.

⁶Tilehi totimino pununiye suakeshi eno kipela mulhuno Tarshi zukilu kubole keshi msa khokhoshi keuno panongu tsuquluve.

⁸Alhou no kiu shikeno nino chiluke toi, AMPEU Akughughuu ni Lhou phughilo itehi nino tipau ithulue; Pano alhokupujulo aphughi hu qhipua nani.

⁹O Alhou, ochineki alou ninguno okikimiye iqemokeu kumsu kutoju ani.

¹⁰Aqha kumtsulo timiqono osheqheke, eno ojekipino ayeghi kumtsulo nhakhawoke. Oyehkipeye amikucho likhike;

¹¹Zion lo akemi pelo alovi pelo! Nono xathatsu keuye achipike, Juda yeghilo aphughiqo pelo alovi pelo!

¹²Alhou wu timiqo, Zion vehosu aliwoqo kihijulo;

¹³bokutha bocho julo eno aliwoqo vechesu wujulo, tishianguno ighinikeu tiqhelimi vilo nonguno ishi pipenike:

¹⁴“Alhou hipauye alhokupujulo ni Lhou ke; pano alhokupujulo nisakicheu shi nani.”