Read Sumi Naga YETSAPIU 3 Bible Online

YETSAPIU 3 - Sumi Naga bible

YETSAPIU 3

¹Ayeghi hipaulo shichekeu thwokha Alhou no kuto pe puakeu do lono shicheni.

²Pano qhipe puatsuake, punupe kepu do eno thivepe kepu do, shosupe kepu do eno nhuvepe kepu do,

³heqhipithi pekepu do eno shipivipe kepu do, hephove pekepu do eno shipuku pekepu do.

⁴Pano qhipe puatsuake, amlo ime kepu do eno alovi kepu do, qa-mlo kepu do eno ilhe kepu do, atu pevekepudo eno atu pekutsuve kepudo,

⁵kimiyekile kepu do eno kimthive kepu do, kumumakile kepu do eno kumuma kilemo kepu do.

⁶Pano qhipe puatsuake, phulukepu do eno puhave kepu do, hekutsukiyi kepu do eno peve kepu do,

⁷suxu kepu do eno pukho kepu do, inaqhoive kepu do eno putsakile kepu do.

⁸Pano qhipe puatsuake, kimiyekilekepu do eno mithikile kepu do, aghushi kepu do eno alashikepu do.

⁹Ninguye akumla shichekeu lono kiu alla shilu puani kya?

¹⁰Ino ithianike Alhou no ape kimshi pesu ningu shou bepuatsu ake.

¹¹Pano thwokha ghenguno ado achipiu qhipe puatsuake. Pano ningu pelo ighi nikeu ghili ithi peniye ningu tsupe puani ikemu pano kiu shicheni keno tipau aghakiqishi ithiwoto kulupu khilemu ningu tsumoke.

¹²Ike ino ithiluve keuye niye alokivishi akepue eno nino xuake kutolo ninguno toluke thaqhu akiviu shi akepue.

¹³Ningu kumtsuno nino kiu mulaqhilu keno tipau chu-sho no alovi akepue. Hiye Alhou no tsukeu gho ke.

¹⁴Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

¹⁵Kiukiu shi acheni momu shiniye kuto anikeno tiye puzuuno shicheghi keuke. Alhou no thime tipau hu anguno anguno shi acheni peke.

¹⁶Tishike shouno, ayeghilo ino highi ithulu acheni, kuchou eno achipiu aghi kepu kelauye kixikilau ani.

¹⁷Ilikhi ivilo ishi pi, “Alhou ye amikuchomi eno alhoksami aphiphi lono kughathaveni cheni kughengu thime kumtsu, mla ithakeu kumtsu pututa do qhipua tsukeu lono shi ipeghi nani.”

¹⁸Ino kishekhalu akeuno Alhou ye ningu peju ani, ike ninguye lhoxu kutau nguno akiviu kumo kepi piye niyeke.

¹⁹Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

²⁰Pama kinikujo a-a aphiphilo wuve cheni - ayeghi mukhu shive cheni. Pama kinikujo tipau lono ighi eno kinikujo tipaulo idewove cheni.

²¹Timi nguaghaye kunguu kudau wuve cheni eno ashiaghau nguaghaye aqhou ayeghilo wuve cheniepi khuuno mutsuqhei pikulupu ani kya?

²²Ikehu ino ithilu akeuye thime akiviu ninguno shikepushi akeuye nino kiu mlalukeno tipau pesu alovi akepue. Tinguno kutau ninguye kiumu shiakepu kuhae. Nino thive kethiu kiu shiveni cheni keno tipau ithikepu laghi kuhae.