Read Sumi Naga EZEKEL 35 Bible Online

EZEKEL 35 - Sumi Naga bible

EZEKEL 35

²“Thinikuau timio, Edom ghakhu shou tungkuptsa pipukulo.

³Ni, Akughushu MPEU no timiqo vilo kiu piani keno pesu pilo: Edom naghutoqo, niye nongu ghumike! Ino okughapesu kughukughai hauvekeu shitsuni.

⁴Ino ophughiqo ixapiniyi qhivetsu nani eno noyeghiye kughukughaleive tsuni; Tileno niye AMPEU kepi nonguno ithi nani.

⁵“Noye pulhapuju Israilmi ghumi shi acheni eno li kutsakungo ake ghulokilo li xine ghenguno aghime ashekhau sholu akelo liwu timiqo ghiqhivepeke.

⁶Ike niye kuchouno Akughushu MPEU, niye xuakeu Lhou ke akithino osala shi nani eno noye tipau launo pomlake. Noye ghiqhikeu kipimi shivae eno ghiqhikeuno opape nani.

⁷Ino Edom lo atoghi yeghi pesu adou shivetsu nani eno tipau kathasu wuchekemi kumtsu pithive nani.

⁸Ino akithi kumo pesu naghuto nhakha tsu nani eno aghukishilo khunoqo pithive keno tipaqo kithikumono atoghi ngo akhila nhakhave nani.

⁹Ino okughapesu pulhapuju piyighive pe nani eno khunomu nophughilo itaghi kughunamove nani. Tileno niye AMPEU kepi nonguno ithi nani.

¹⁰“Ni AMPEU no nongu Lhou keghi nonguno pikeuno Juda ngo Israil shiayeh kinikujo eno pano ghakhu kinikujo nowu kepi eno nonguno luvenie pike.

¹¹Tighenguno kuchouno niye Akughushu MPEU, niye xuakeu Lhou ke nongu mlo kighide, nongu nhekushu eno nonguno iwu timiqo jumithi keu ghenguno ino nongu lochile nani. Nonguno panoqo shou kiu shikeno tipau ghenguno ino nongu ghimeqhi nani kepi panonguno ithi nani.

¹²Nonguno junishimo keu lono Israil naghutoqoye piyighive eno tipaqoye nowu kepi munove nike pi pikeu ni, AMPEU no chiluvea kepi nonguno tileno ithi nani.

¹³Nonguno aqhekuza kuchhomashi, ishou atsa zalepuku keu ino chiluvae.”

¹⁴Akughushu MPEU no pianike, “Ino nongu qhoi piyighivekeu shipe nani eno ayeghiqhano nonguno ikiqive keulo alovi nani,

¹⁵tiye imheghipu Israil kutsaleve keulo nonguno alovikeu toi shi nani. Seir naghuto, Edom ghakhuqha kumtsu piyighive nani. Tileno niye AMPEU kepi kumtsuno ithi nani.”