Read Sumi Naga EZEKEL 4 Bible Online

EZEKEL 4 - Sumi Naga bible

EZEKEL 4

¹Alhou no pi, “Thinikuau timio, ita tu lakhi pewo ozulo qhilo eno tipau shou Jerusalem phughi kumlho shi-ghi aye shipukulo.

²Tishi puzu, khasupe lelukeu kumlho shi-ghi aqochhutha keu, ayeghi-pekumqokeu, aphiki shiwokeu eno shoxukepu subolu ishi kutopesu tipau phughi vehope qhiwolo.

³Ayipa lakhi ikhi pesu ti aphughi ngo okujo mtalo putukha keu toi qhilo. Aphughi kudau julo, tiye khasupe anike eno tipau khasupe leniye akeu huye nonoke. Hipauye Israil shiayeh lau amchipu lakhi shitsu anike.”

⁴Tithiu noye ojibo piyiu kudauno ihozulo, eno Israil shiayeh no kuquvekeu kipimi oshou betsu nanike. Atsala khije nono tile ihozuni keno tijehi noye panoqo wu kuquvekeu ghimepu xapu nanike.

⁵Atsala 390 noye tile anani. Panonguno kuquvekeu ghimepu ampe lakhi tohi ino atsala lakhi oshou pukutsu anike.

⁶Nono tipau shitave kethiu ojibo ajeu kudau idewolo eno Juda wu kuquvekeu ghimepu tsala lhobidi imelo, ampe lakhi panonguno kuquvekeu ghimepu ghenguno atsala lakhi imenike.

⁷“Jerusalem khasupe lekeu shou onhethi sukuqumono julo. Aphughi vilo o-u sukumqope kutotsuni keu shikichilo eno tipau shou tungkuptsa pipukulo.

⁸Ino otshupe qhive nani ikehu khasupe levekeu tave mphi kutolo noye tuxauno tuxau tsughu idemla nani.

⁹“Itehi noye asho thi, barli thi, khetsuthi, motor-lothi, asuo eno atsunaqhi thi toikeu hami pesuwo kumtsu kitekungoveno asho shilo. Tiye nono ojibopiyiu kudauno ihozu akelo atsala 390 dolo chuni kepuke.

¹⁰Atsala lakhilo asho gram 230 chupe nani eno tiye thoghiu tsala tomoke kutolo salake.

¹¹Nono yepenike ghenguno azu kihikutha shipuatsu ake, tiye tsala lakhilo ajukhu kini likhi.

¹²Timi tubatuzu qhaivekeu pesu noye ami shikepu shi nani eno ami tipau shouno asho pugha eno timi kumtsuno oju ithukulupu a-lono tipau chulo.”

¹³AMPEU no pi, “Hipaphi lono Israilmiye ino kutami shiayehqo gholo panoqo halesu kelono Ayezahlo lakha puakeu chuqupu panoqono chu nanike.”

¹⁴Ikemu ino ishi pichile, “Moe, Akughushu MPEU! Niye khilemu ilikhi ikitiqe mphike. Itimi shiake lono itehi kutolo niye lhoxu pa kithi thikeu shi momu tughashi kutauno heqhivekeu shi khilemu chupuamoe. Mithemokeu chuqupu jeli kiu kiu namu niye khilemu chupuamoe.”

¹⁵Ikehu Alhou no pi, “Tiye achipi shiani. Tishiaye ino opelo amshiba peitha peni eno noye tipau shou asho pughalo.”

¹⁶Pano highi ivilo pi, “Thinikuau timio, Jerusalem ghenguno asho pukishesuwu chekeu la ino lakhavetsuni cheni. Timi tilehi akeqoye akijikusa shive nani eno panongu chuqupu ngo azu yekepu mighiju puzu amlo kutakihive nani.

¹⁷Panonguye achuqupu ngo azu pepuhave nani; panonguye amlo hauve nani eno panoqo xine ghime ghenguno haukitheve nani.”