Read Sumi Naga HOSIYA 11 Bible Online

HOSIYA 11 - Sumi Naga bible

HOSIYA 11

¹AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

²Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

³Tishimu, Israil pelo ala chelu pekeu huye ino shikapiye. Ino iwu timiqo i-u pesu khapelue, ikemu ino panongu tuchomujo kepi ithitsumoe. Ino qhuivulaikeu ngo kikimiye pesu panoqo ikudau saighie.

⁴Ino panoqo khapeqhe puzu igimuchu kutolo panoqo khadalue; Ino itsaiqi puzu panoqo lojike.

⁵“Panonguye ilau ideighi mopike, tighenguno panonguye Ijip lau idewu masae eno Asiriya no panoqo shou ayeh pe nani.

⁶Aghukishino pano phughi jole ighi nani eno aphughi kikha kuboleqhivetsu nani. Tipauno iwu timiqo kutsale nani kughengu panonguno akiviukepi kumsulu keu likhi shi cheni.

⁷Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

⁸“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

⁹Niye ixu kighide lono oghimeqhive mo nani niye itaghi Israil kutsakithemoe. Kughengu niye Alhou kethono timi kumoe. Ni, Akimtheuye osasu ani. Niye axu kighide lono olau ighimo nani.

¹⁰“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

¹¹Aghau kumthu toi panonguno Ijip kudauno ighi nani eno miqhedu toi Asiriya kudauno ighi nani. Ino itaghi panoqo ghakhulo panoqo saghi kithe nani. Ni, AMPEU no piani ke.”

¹²AMPEU no pi, “Israil lo akemiqono akimki ngo pishikiqhi pesu isuholuve eno Juda lo akemiqono ni, amikucho eno akimthe Lhou mujochile aphike.”