Read Sumi Naga HOSIYA 14 Bible Online

HOSIYA 14 - Sumi Naga bible

HOSIYA 14

¹Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

²AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

³Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

⁴AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

⁵Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

⁶Panonguye akhuni kuxu thuwu ipeghi keshi nani, eno Oliv subo toi jukighilepu shi nani. Panonguye Libanon lo kedar suboqo toi axono vechighiyi nani.

⁷Itaghi panonguye ino sushokeu qholo xulu nani. Panonguye aghutu lakhi toi miniphoi nani eno atsayilu lakhi toi athi pithi nani. Panonguye Libanon tsayiji toi ajekipi shi nani.

⁸Israil lo akemiqoye ajulho shisukeu sasu kiumu kutshu kime kepu shimove nani; Ino panongu kighini khochiletsu nani eno panoqo tuchohiju nani. Ani ighimokeu subo lakhi toi ino panoqo kusuqholuve nani; Niye panoqo wu kukumgha jeli pukike.”

⁹Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.