Read Sumi Naga AKIKIHI 1 Bible Online

AKIKIHI 1 - Sumi Naga bible

AKIKIHI 1

¹Israilmino Ijip qhive kethiu ampe akiniulo aqhi akiniu atsala atughunilo Sinai asaitsumoke tolo Ampeu no ngochekeu Phiki lono Muse putsa. Pano pi,

²“No eno Aron okujoye Israil lagha eno akibo kihikutsulo.

³Timi khunoqo apunu mpe muku momu muku shou shiveno ghushimi kumlalo ilokepu akuzu keno ajeqo yekutsulo.

⁴Alagha lakhilo alimi saphetou lakhi okuphu penike tsulopi khulo.”

⁵Timi hipaqo alagha dolono sakiphemi shipenike alimi dolo kumlapu saje ghenguno kishephe: [Alagha] — [Alimitou] Ruben — Shedur nu Elizur Simon — Zurishadai nu Shelumeil Juda — Aminadab nu Nahshon Isakhar — Zuar nu Nethanel Zubulun — Helon nu Eliab Efraim — Amihud nu Elishama Manase — Pedazur nu Gamaliel Benjamin — Gideoni nu Abidan Dan — Amishadai nu Ahiezer Asher — Okhran nu Pagiel Gad — Deuel nu Eliasaf Naftali — Enan nu Ahira

¹⁷Timi chighi kini kukuphu lono Muse ngo Aron pamano

¹⁸aqhi akiniulo atsala atughunino alimi-dolo kumtsu kukutsuno alagha eno akibolo timiqoje kakulo yekutsu. Timiqo apunu mpe muku momu muku shouqo aje yesuluve eno kihikutsuluve,

¹⁹Tiye AMPEU no ahza tsukeu toi shike.Sinai naghuto lono Muse no timiqo kaku lo yesukutsuluve.

²⁰Timi khunoqono ampe muku momu muku shou shive no ghushimi kumlalo wukuzu keno aje alagha eno akibo kiqi lono kakulo yesuluve, alagha tipaqo ye Jacob nu akichiu, Ruben nu lono huthuno. pekukutsu hitoi wo ani: [Alagha] — [Akikihi] Ruben — 46,500 Simon — 59,300 Gad — 45,650 Juda — 74,600 Isakhar — 54,400 Zebulun — 57,400 Efraim — 40,500 Manase — 32,200 Benjamin — 35,400 Dan — 62,700 Asher — 41,500 Naftali — 53,400 Kuqhakelo: — 603,550

⁴⁷Levi laghaye alagha kutauqo gholo kihi sumove,

⁴⁸kughengu AMPEU no Muse vilo pivekehu,

⁴⁹“Kughono nono ghushimi kumlapulo akuzumi kihini keno Levi laghaye sukevilo.

⁵⁰Kihisunike zuqhulo Levi laghaqo sawo ino ngo chekeu Phiki ngo tipaulo peitha kepu thimeqo shou ampi shipelo. Panonguno tipau mlani eno tipau nanuqo peithakezah, Aphiki alou mlani eno pano ghazu tipau homxa shipe qhini.

⁵¹Kugho kughomu aghazu xakiqhekelo,Levi laghano Aphiki xaqhini eno aghazu kitheqhalo huthukithe shini. Khunono Aphiki tipau phivilo ighinikeno pithiveni.

⁵²Israilmi kutamino aghazu shini, aloji alojino, timi lakhi khino pa likhi pa qemi sasu pa mchiphi peni.

⁵³Ikemu Levi laghano panongu ghazu Aphiki hu homxa shipesu kheni, tishikeu lono khuunomu aphiki phivilo ighino iloghu shikighideve no Israilmi hepemoniyeke.”

⁵⁴Titoi Israilmiye kumtsuno AMPEU no Muse ahza tsuke toi shitsu.