Read Sumi Naga MIKA 4 Bible Online

MIKA 4 - Sumi Naga bible

MIKA 4

¹Ashekhalau tsalalo naghuto khi- paulo Achineki ani keno tipauye kumtsu nguno akiqheu shi nani, naghuto kutau kumtsu nguno akuchuquu shi nani. Ashiayeh kutomono tipaulo chokive ighi nani eno timi tipaqono ishi pinani,

²“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

³Pano ashiayehqo dolo kughathatsu nani, akuka kuloghimi akupunulo na putou aghikemi dolo pimu. Panonguno azutakihi hephapesu akuphu shive nani eno panongu ngu hephapesu asubo kikixi zutachi shive nani. Ashiayehqoye khilemu aghulo wukithemo nani, aghu shikepu shi khilemu kutokithemo nani.

⁴Pututa shelo kumtsuno alokughunoshi pawu atsayili eno khughuthibo qholo xucheuve nani eno khunomu pa shikumsamo nani. Aqokitikhi AMPEU no hipau piqhiveake.

⁵Ashiayeh pututano pano lhou mlla cheni eno tipau ghokulu shi acheni, ikemu ninguye alhokupuju kutolo AMPEU niLhou mlla eno qhoqhu nani.

⁶AMPEU no pi, “Ino ghimeqhi puakeqo timi itaghi ino hekutsu kumqonikeu ghuloki wocheni, tiye halephepe shilusa akemiqoke.

⁷Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

⁸No, Jerusalem khilehi Alhou no bherikheu lakhi toi pawu timiqo jukhe acheni keno noye itaghi akukaqha, ti owu kehu tipau phughitou shive nani.

⁹Noye kushiye tishi vekipighi igha ani kya? Noye kushiye totimi apunukusu su akemi toi shilukusa shiani kya? Tiye nokukau kuhake ghenguno keo akukumsu tsuchekemiqo thive kehu kesha?

¹⁰Jerusalem lo akemiqo, totimi lakhino pununiye akelo toi pidepukhu ihi puzu ighalo, kughengu nonguye aphughi qhive no aluzalo auniake. Nonguye Babilon lo wukepu shinia ikemu AMPEU no aghumi launo nongu xalu nani.

¹¹Ashiayeh kutomo hekutsu no nongu leighi. Panonguno pi, “Jerusalem ye kutsaleve masake! Aphughi hipau ixapinyivekeu ninguno ithulunike!”

¹²Ikemu ashiayeh hipaqoye AMPEU no kiu kumsupu akeno mthake. Athi qoleluniaye aniqalo aghipe kipiqhe peighi ke paphi lono panoqo ghimeqhini aye panongu hekutsu kumqo kepi panonguye vethamlake.

¹³AMPEU no pi, “Jerusalem lo akemiqo, wulo eno noghumi ghimeqhilo! Amshitsu lakhino ayi kibo eno alazayi pukhumutsu puakeshi ino nongu pelo akumto shipe nani. Nonguno ashiayeh kutomo ghadaqhi nani, eno panonguno heqhi buqhikeu lono kinikulu pekutsu puakeu pesu nonguno ni, ayeghiqha kumtsu shou AMPEU zulo peighilo.”