Read Sumi Naga ZEKHARIA 10 Bible Online

ZEKHARIA 10 - Sumi Naga bible

ZEKHARIA 10

¹Ghixu tusho lono AMPEU vilo tsutsughu khulo. AMPEU no tsutsughu eno khungkusu puwutsu cheni eno kumtsu ghenguno aghasalo atsuni mini ipeghipe cheni.

²Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

³AMPEU no pi, “Niye inaghami khunoqono iwu timiqo shou ayehpe cheni keno tipaqo lau iloghu ani eno niye panoqo ghimeqhini cheni. Juda lo akemiqoye iwuke eno ni, Aqokitikhi MPEU no panoqo heju kutoluve nani. Panonguye iwu aghukhe khurshi kuka kumto toi shi nani.

⁴Panoqo gholono iwu timiqo jukutsu nike ayehkipemi, sakiphemi eno azah kutsumi ipeghi nani.

⁵Juda lo akemiqoye ghushimino pano ghumiqo alaghila anibalo qodasu keu toi tokuluu shi nani. AMPEU no panongu gholo anike ghenguno panonguno aghu shi nani eno panonguno aghumi wu khurshi ghushimi pinamu halesuve nani.”

⁶“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

⁷Israil lo achekemiye ghushimi toi choshiyi nani, aji sho akemi toi alokivi shi nani. Pano tikughukoqono tokulu hipau kumsuchilelu nani, AMPEU no mla tsukeulo aghakiqishi anani.”

⁸“Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

⁹Ino ashiayeh kutami gholo panoqo halepuwuve namu, putou yeghilo ghi panonguno kumsuchileu nani. Panongu eno pano tianuliye puxutsu nani eno kumtsa pano phuyinalo ideghi nani.

¹⁰Ijip ngo Asiriya lono ino panongu phuyinalo saghi nani eno pano ghakhulo panoqo pelo ngolupe nani. Gilead ngo Libanon loghi ino panoqo pelo ngope nani; aghakhu kumtsulo timino chhitoive nani.

¹¹Kughou panonguno aghime azughi toi akeu kathasu wuni keno, Ni, AMPEU no azu kighide ghasuve nani, tileno Nayil ghoki thonheikeu kumtsu qhaive nani. Aqhekuzau Asiriya ye ghakuchunive nani, eno Ijip akughushuuye li kuka hauve nani.

¹²Ino iwu timiqo shikumtope mutotoi nani eno panonguno imlla eno igholu nani.” AMPEU no piqhiveake.