Read Sumi Naga MATHI 8 Bible Online

MATHI 8 - Sumi Naga bible

MATHI 8

¹Kughou Jisu no ato lono iqighi keno timi aqokitikhino pa papeche.

²Tile apughami lakhi pa lau ighi eno pa zulo qhoqhunhe puzu ishipi, “Akijeu, nono pulo aghi aye noye ishikimthevetsu lunanie.”

³Jisu no pa-u chhophe pesu pa buno ishipi, “Niye pulo ani, mithelulo.” Paikhavino pa pugha mitheluve.

⁴Tishieno Jisu no pa vilo pi,”Hila julo, timi khuvilomu kumu pi kevilo, ikemu vejoyi achinemi lau wulo,noye kishekulu pa piyelo eno tishi no Muse no ahza tsupuakeu kiqi lono akumllagho pesu mllalo, tiye kutami[4] pelo noye mithevae pikeu ithipe nike.”

⁵Kughou Jisu no Kapernaum taun tokeno ghushimi 100 shou akijeuno pa sasu kusho eno pa kuphu tsulepi qhuyiniju.

⁶“Akijeu, iqeuye akilo azu-a dapesu ithamlano shiluksa shi su ni.”

⁷Jisu no pa vilo pi, “Ino ighi puzu pa shipivitsuni.”

⁸Ikemu akijeuno pa khochile, “Akijeu, opelo ikisheqholo ighipe nike akuzupu kumoe.Nono atsa likhimu pivetsu aye iqeuye viluve nani.

⁹Kughengu nighi ishou kijemi ani eno ghushimi iqhou akemike. Kughou ino milakhi vilo ‘Wulo!’ ipiaye pano wu cheni, eno kutami lakhiu vilo ‘Hila ighilo!’ ipi aye pano ighi cheni; eno iqeu vilo ino ‘Hi shilo|’ ipiaye pano ti shi cheni.”

¹⁰Jisu no hipatsa chilu puzu akichiqhive, eno pa papechekemi vilo pi, “Kuchouno ino nongu vilo pini, Israilmi gholomu akupulu hitoi keu niye phumla aphie.

¹¹Ino nongu vilo pini, timi kutomono tsukinhe kipelau ngo kulolauno ighi puzu Kungugha yehkipelo Abraham, Isak eno Jakob ishi sasu iqano kuchukusho shi nani.

¹²Ikemu Kungugha yehkipelo aghikepushi akeqo huye khalau zumoyikelo vepheve nani, tilano panonguye qa-mlo nani eno aghime launo ahu tsughububushi nani.”

¹³Ipuzu Jisu no akijeu vilopi, “Okilo wolo, nono puluke toi tishiluve aghipeni.” Aqeu huye tipa suche do lono vive aghi.

¹⁴Jisu no Pitor kilo iloghi kelo, Pitor paniye aghakimkino muqhomuzai suno azua dapesu aghi.

¹⁵Jisu no li ulo bukelo aghakimiki taveno lino ithu puzu kuchukusho kutope pa tsu.

¹⁶Tipani avelau timiqono tughami aphilo akemi kutomo pa lau saghi. Jisu no atsa likhi pipuzu tughakusaqo haphetsu eno kusukinimi kumtsu shipivitsu.

¹⁷Pano hitoi shikeuye Isaya tungkupuno ishi pipuakeu shikupuke, “Pano niwu tomo-chhimokeu kusu luvetsu eno niwu kusukiniqo puluvetsue.”

¹⁸Kughou timi aqokitikhino pa suhope akeu Jisu no ithulu keno azughi tuxau ikuveni keushi ahza tsu.

¹⁹Tile Ayezah kutsuchekemi lakhi ighi puzu pa vilo pi, “Kutsuchekeu, nono khile khile wunamu niye opapesu wuni.”

²⁰Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

²¹Akhopemi gholo kutami lakhino Jisu vilo pi, “Akijeu, atughushi ipelo wono ipuh jupithi pelo.”

²²Ikemu Jisu no pa vilo pi, “Noye ipapelo, eno kithimi pelo pano wu kithimi jupithi apelo.”

²³Jisu no ashukalo ikukelo pa khopemino pa papewu.

²⁴Zuleno pasapagha lakhi azughi shou ighive, ikelo azufukuchono ashuka kuzupholuve, ikemu Jisu ye zuche.

²⁵Akhopemino pa lau ighi puzu pa kuda puthuve. Panonguno pi, “Ni xaphelulo, Ampeu! Ninguye thiveni cheae!”

²⁶Tile Jisu no ishi panongu vilo pi, “Akupulu kitila likhi akeqo, nonguye kushiye msa ani kya?” Tishieno pano ithu puzu amlhu ngo azughi lomipi, ikelo shishe iquneyive.

²⁷Timiqono apuchopungove eno ishipi, “Timi hipauye kiutoi kemi keno amulhu ngo azufukucho thotsu pa gholu kya?”

²⁸Kughou Jisu no Gedarane qhalo, azughi tuxa kudau tolu keno, timi kini akumo qho chekeu tuki lono ipeghi puzu pa sasu kusho. Timi hipamaye tughamino aphilo akemi kehu ighono ayikusa eno akuyighupu kehu khunomu tipala hechesu iqho-iqimlano ache.

²⁹Pamano qhayi ighathughi, “Noye nilau kiu shi cheni kya? O, Alhou Nu! Ado tomphi lono noye ni ghimeqhiniye hilau ighi ani kesha?”

³⁰Panonguno akeu-a lono kushuwa kumolo awo kutomo aqo shi nguchu ae.

³¹Tileno tughami no Jisu qhuiniju ghi pi, “Nono ningu hapheveni aye awoqo loji lau ningu puwulo.”

³²Jisu no panoqo vilopi, “Wulo!” Ikehu panonguno ipeve puzu awoqo philo ilove. Awo aqo akuchopu atuxulo kuhakive iqi azughilo iloveno azu lono putsuqhive.

³³Awo khemino pove eno aphughilo wupuzu tilano thwokha kumtsu pi, eno tughamino sa-akemi hu kishivekela tighi pie.

³⁴Ikelauye aphughilo akemi kumtsu Jisu sasu kushoniye ighi; kughou panonguno pa ithulu keno panongu ghakhu lono chevetsulopi pa qhuiniju.