Read Sumi Naga ZAHKINIU 18 Bible Online

ZAHKINIU 18 - Sumi Naga bible

ZAHKINIU 18

¹“Levi laghami achinemiye Israil lo ayeghi saje kiumu ithulu kepu kumoke eno panonguye kutamino AMPEU lau akumllagho ngo aghakishi tsukeu shouno xulu masake.

²Panonguye alagha kutami toi ayeghi kiumu pighimoni; panongu sajeye AMPEU chinemi shilupekeu ke, tiye AMPEU no tushoqhive keu ke.

³“Kugho kughomu amshi momu bheri pesu agha shi aye abi ngo amkhu eno akive pesu achinemi tsulo.

⁴Panonguye athi, atsayi-ji, oliv teli eno amhi saje akiviu ithulu masake.

⁵Nongu alaghamiqo kumtsu gholono AMPEU no Levi lagha pelo achinemi shi pulhapuju pa qepenikeu shi kisheluke.

⁶“Levi laghami khuu khumu pano shinishi aye Israil lo kiukiu taun lono pinamu akumlla-a lakhilo ighilu nani

⁷eno Levi laghami kutami tilehi qe akeqo toi pa ghi AMPEU pa Lhou qelu nani.

⁸Pa ghi achinemi kutami qhemi achuqupu ithulu masa eno pano kibolomino pa lau kiu tsupuwuni keno tipauye pano pualu nani.

⁹“AMPEU Alhou no tsuakeu yeghilo nonguno iloghiluve kelo ashiayeh kutami tilehi akeqono nuqhunighulai keu ghili pimhe chekeu pape kevilo.

¹⁰Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha

¹¹pekeu ajoji gha peithakeu momu panoqo pelo kithimi putsaupe kevilo.

¹²Timi khunono aphikumqhupu hipaqo shicheni keno AMPEU nongu Lhou ye tipanoqo mithi cheni, tighenguno nonguno azuu haighi kelo ashiayeh hupaqo pano hapheve anike.

¹³AMPEU lau qhoi amikucho shilo.”

¹⁴Tile Muse no pi, “Nonguno ngoluniye akeu yeghilo timiqoye asaqhikeu pepimhe chekemi tsa pape cheni eno muthu wu cheni ikemu AMPEU nongu Lhou ye nongu pelo tipau shipemoke.

¹⁵Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

¹⁶“Sinai Toghilo nongu kuhokumqo ake tsalalo, AMPEU pelo itaghi pi apekevilo pi nonguno qhuinijuke momu hinguno hilauye ami lono putsa keu jumoni keu shie kughengu nonguye thive nosakeu musaveke.

¹⁷Ikehu AMPEU no ivilo pike, ‘Timiqoye alokutsushi qhuinijuvae.

¹⁸Ino panoqo lau otoikeu tungkupu lakhi notimi gholono ipeghipe nani; kiu pikepu keno ino pa vilo pinani eno pano timiqo vilo ino ahza tsukeu thwokha pitsu nani.

¹⁹Pano ije lono pinani eno pa gholumo kemiye ino aghime tsu nani.

²⁰Ikemu tungkupmi khuuno ighumono ino pa vilo tishilo pimo namu pano ije lono atsape shi napi aye paye thimasake eno tihutoi tungkupmi khuuno kutau lhouqo jelono pini keno pithive masake.’

²¹“Tungkupmi lakhino atsape shikeuye AMPEU launo ighikemo keno nonguye kishi puzu pilu nani kelapi nonguno akumzaqhiyi aghiluvike.

²²Tungkupmi lakhino AMPEU jelono piaghi aye eno pano kiu pikeno tipauno kuchou shi aghimo aye tiye AMPEU launo ighikeu tsape kumoke. Tungkupu tipauye pa likhi pano kumsulu keu lono pive ake eno nonguye pa musa kepu kumoke.”