Read Sumi Naga JOHAN 8 Bible Online

JOHAN 8 - Sumi Naga bible

JOHAN 8

⁵³Panongu kumtsu pututa kilo wove, Totimi Salha aghike Kughalu ikemu Jisu ye oliv subo akeu toghilo wuve. Thanau inaqhe itheno paye achinekilo ideghi. Timi aqokitikhino pa suhope kumqo ighive, ike pano iqave puzu panoqo kutsu ae. Ikelo ayezah kutsuchekemi ngo Farisimino totimi lakhi salha aghike lono kughalukeu sasu ighi puzu panongu mtalo qhino Jisu vilo ishipi, “Kutsuchekeu, totimi hipauye salha aghike lono loyi kughaluve. Ni yezahlo totimi hikithipuye atu pesu veqhi pithivelopi Muse no ahza tsupuani. Ike noye kiu pi nani kya?” Panonguno pa vilo hipatsa pikeuye pa ghukeju puzu akipimi pa shou betsuniyeke. Ikemu Jisu no pishiqho pesu pa-u loti pesu ayeghilo yepukua. Ike panonguno pa inijukichichi auvekehu pano muzuchoi ngove puzu panongu vilo pi, “Nongu gholo khuuno axine shipuamokeno pa paghino li shou atu vepukulo.” Tishi piveno pano itaghi pishiqholuve puzu pa-u loti pesu ayeghilo yepukuae. Ikemu kughou panonguno hipatsa chilukeno panongu gholo amuchou shiakeuno atughiu shi pu(...)

⁵⁴Jisu no khochile, “Ino ilikhi ijekipipu tsa piaye ijekipiye kiumu kuhae, iPuh no ijekipipu shichenie, paye nongu Lhou kepi nonguno pichekeu hu panoke.

⁵⁵Nonguye khilemu pa mtha aphie ikemu niye pa ithi anie. Tsala ino niye pa mthae ipiaye niye nongu hutoi kimkimi lakhiae.

⁵⁶Nongu papuh Abraham ye itsala ithuluni cheni kepi alokivishi cheke, eno pano tipau ithulu puzu alokivishie.”

⁵⁷Tileno Judami qono pa vilo pi, “Opunu mipeye lhopungu ghi kumphie ikeghi noye Abraham ithulua kesha?”

⁵⁸Jisu no pi, “Kuchouno ino nongu vilo pini, Abraham zuuno niye aighivae.”

⁵⁹Ikelo panonguye atu ikhipesu pa veqhiniye shi, ikemu Jisu no itshuluve eno achineki lono khalau ipeve.