Read Sumi Naga ROMMI 13 Bible Online

ROMMI 13 - Sumi Naga bible

ROMMI 13

¹Timi kumtsuno yepeka yehkipe qholo aghokulu shipelo. Kughengu Alhou launo kumoaye khuno yepeka mu ngosu mlae, eno itodolo aghikeu yehkipe huye Alhou no qhipe puanike.

²Tighenguno khuuno yepeka mujonikeno Alhou no qhitsukeu mujo ani. Khunono tishinikeno pano shou kughatha bekeu ikughi nani.

³Kughengu akivi kumlamiye ayehkipemi msakepu kuhae, ikemu alhoksa kumlamiye msakepu ani. Noye yepeka lo akemi msamoni shi anima? Tishiaye akiviye kiukeno ti shilo, pano osheqhe nani.

⁴Kughengu okivipu shitsupe nike ghenguno paye Alhou qeuke. Ikemu nono vimo aye, pa msakepu ani, paye adou loye azutakihi pesu ngomo nani. Paye Alhou qeu eno alhoksa kumlami shou Alhou loghu peithanikeue.

⁵Tighenguno nonguye yepeka gholu masa, tiye Alhou loghu ighinosa kehu kumo puzu alikhi akutoshino ithimasake.

⁶Hi ghenguno nongu ghi ayehkipe zahme tsucheni, hikithipu jukutsukiyikeu shike lono yepeka yehkipemiye Alhou ghenguno mla ani.

⁷Ike panoqo lau apih puaghikeu tsulo; nonguno timi lhoxu ngo tinhemgha shou ayehkipe zahme tsulo eno qhoqhu kuzupu lau qhoqhukeu tsulo eno gihu kuzupu lau gihukeu tsulo.

⁸Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae.

⁹Ahza tsupuakeu huye, “Noye kutuqha salha kevilo; noye ghiqhi kevilo; noye puka kevilo; noye alamine kevilo” hipaqo kumtsu eno tinguno alau kutau ahza tsupuakeqoye hipatsajolo sukuqha puani: “Noye okisughumi olikhi otoi kimiyelo.”

¹⁰Khunono pa kisughumi kimiye ani keno khilemu pa kisughumi lau alhoksa mla chemoe. Tighenguno kimiyekeuye Ayezah shikupulu ani.

¹¹Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae.

¹²Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

¹³Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni.

¹⁴Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.