Read Sumi Naga 1 THESALONIAMI 3 Bible Online

1 THESALONIAMI 3 - Sumi Naga bible

1 THESALONIAMI 3

¹Kughou ninguno pumla kutuve keno, ninguye Athen lo ngove nikeu shi kughaluve,

²eno Ampeu Jisu Khristo lono ningu kumtsa Alhou kumla shichekeu nithikuzuu Timothi pelo nongu shikumto eno nongu kupululo kuphupeniye puwu ani,

³tishianguno shikighimekeu sholu akeulo nongu khuu pelomu idewovepe moniyeke. Nongu ampino ithi anike shilukusano ningu sala shipuatsuake.

⁴Kughou nino nongu sasu achekeno nino ashe-azushi nongu vilo piveake ninguye shikighimekeu sholu niputsake; ike nonguno ithianike tipau hu itehino shi-ighi anie.

⁵Kughou ino pumla kutuve keno nongu kupuluye kiu qhemilo anikeno ithiniye eno ghukuju-uno nongu ghuju sawu eno nino ichhe ime mlapuakeu adou shivenosa kehu Timothi nongu lau puwue.

⁶Ikelo itehi Timothi ye nongu launo nilau ideighiva eno nongu kupulu ngo nongu kikimiye ghili pesu ighino nipithivae. Pano nivilo pikeuno nonguye pulhapuju akivi launo nikumsulu acheni eno nino nongu ithulu nishi kumsu akehu toi nongu ghi niithulu nishi aniepi chiluke.

⁷Tighenguno athikuzumiqo, nimlo ghime eno niwu shiluksa kumtsulo nongu kupulu vechewo nilokughunotsu chenike.

⁸Ikehu nonguno Ampeu lono mutotoi aye nighi itehiye xulu aniake.

⁹Nongu ghenguno Alhou zulo nino alokivishi ani eno Alhou lau shikimthi keu shishe tsulu ani.

¹⁰Ningu ampino nongu sasu kusholuno nongu kupululo tomono aghikeulo kuphu lupenike ghenguno putho pucho tamono inikhu acheni.

¹¹Ningu paPu Alhou ampino eno ni Mpeu Jisu Khristo no ningu pelo nongu lau ighilukepushi ala kichetsu peni.

¹²Ninguno nolau kikimiye piyeke toi Ampeu no nongu pelo lakhino lakhi kimiyekeulo eno timi kumtsu kimiyekeulo alau thuwulu eno ikowolupeniu.

¹³Hitoi shikeu lono pano kughou ningu Mpeu Jisu no pawu timiqo sasu ighikelo nonguye ningu paPu Alhou zulo kupukulu eno akimthe shilu aghive nani.