Read Sumi Naga TITO 1 Bible Online

TITO 1 - Sumi Naga bible

TITO 1

¹Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.

²Alhou ye mikichemoke, hiye aghuloki huthumphi lono pano piqhivae,

³eno ado achipi lono pa tsa lono tipau pephepiye. Hipau pesu ipichebetsue eno niXakuluu Alhou no ahza tsukeu vechewo ino asheshu cheni.

⁴Tito lau yeani, ningu kupulu aqu shiakeu lono noye inu kuchoke: Apu Alhou ngo niXakuluu Khristo Jisu launo kupukini ngo alokughunopu owu shilupeni.

⁵Kreta lo ino oqhivekeuye kiu shikithe kepushi anikeno tipaqo kithikiyi shipeniyeke eno taun kumtsulo akukuholo kichimi susupeniyeke. Ino kichepiyeveke toi

⁶kichimi lakhiye tukutiye kuhakemi shimasae; paye anipu lakhi likhi akemi eno pa tianuliqoye kupulumi shimasae eno pipusapughayi momu aghekulukumomi shikepu kumoe.

⁷Akukuholo sakiphemi lakhiye Alhou kumlalo atsukupumike ghenguno paye tukutiye kuhakemi shimasae. Paye agho aghoshi kemi, lolemi, shokumzumi, aka-aghami, alakimnemi shimoni,

⁸ikemu inami sasuthi keu, akivipu kimiyekinimi, kusuqhikulu, amikucho, Alhou lau amlo tsuqhiyi keu eno alikhi aghasulu masae.

⁹Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

¹⁰Kughengu hekibidemi kutomo ani eno adoutsa pipesu kutami pishiqhi acheni, tiye akhotono Judami chineyeh lukemiqoke.

¹¹Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

¹²Panongu gholo tungkupmi kepi pichekemi lakhino ishi pipuani: “Kreta miye pulhapuju kimkimiqoke, tughashi lhokusaqoke, akipichishi minhe- mzakeqoke.”

¹³Hipa tsaye kuchoue. Highenguno noye panongu ghegheyi sakiyilo, tishianguno panonguye kuchou kupulu shilupe nike,

¹⁴eno panongu pelo Judami kughakiche tsa ngo kuchou tsa milivekemino ahza tsukeu pekishe pemonike.

¹⁵Mutsumisheikemi ghenguye thwokhalo kitiqekepu kuhae, ikemu kusakughami ngo pulunishimokeqo ghenguye kiumu muqhamiqhi keu kuhae; panongu kukumsu ngo kivikusa michilukeu mlo pe kusakugha kughulho vae.

¹⁶Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.