Read Boros Dusun 1 BABAD 24 Bible Online

1 BABAD 24 - Boros Dusun bible

1 BABAD 24

¹Ieu rombongan jalma-jalma anu kaasup turunan Harun. Harun putrana opat: Nadab, Abihu, Elasar, jeung Itamar.

²Nadab jeung Abihu tilar dunya miheulaan ramana jeung teu aya turunanana. Elasar jeung Itamar jaradi imam.

³Jalma-jalma turunan Harun ku Raja Daud dijieun sababaraha rombongan nurutkeun kawajibanana masing-masing. Dina ngaturna anjeunna dibantu ku Sadok turunan Elasar, jeung ku Ahimelek turunan Itamar.

⁴Turunan Elasar dibagi genep belas rombongan, turunan Itamar dibagi dalapan rombongan. Pangna dibagi kitu, lantaran lalaki anu jaradi kapala kulawarga dina turunan Elasar leuwih loba.

⁵Ari ditangtukeunana ku lotre, lantaran anu jaradi pagawe Bait Allah jeung jaradi pamingpin karohanian teh ti turunan Elasar ongkoh, ti turunan Itamar ongkoh.

⁶Turunan Elasar jeung turunan Itamar bagilir narik elot, tuluy ngaran maranehna didaptarkeun ku Semaya bin Netanel, urang Lewi anu jadi sekretaris, disaksian ku raja, para ponggawa raja, Imam Sadok, Ahimelek bin Abyatar, para kapala kulawarga imam jeung ku kulawarga-kulawarga urang Lewi.

⁷Kulawarga-kulawarga anu dua puluh opat rombongan tea parelean nurutkeun ragragna elot kieu: 1. Yoyarib — 13. Hupa 2. Yedaya — 14. Yesebab 3. Harim — 15. Bilga 4. Sorim — 16. Imer 5. Malkia — 17. Hesir 6. Miamin — 18. Hapises 7. Hakos — 19. Petahya 8. Abia — 20. Yeheskel 9. Yesua — 21. Yakin 10. Sekanya — 22. Gamul 11. Elyasib — 23. Delaya 12. Yakim — 24. Maasia

¹⁹Eta jelema-jelema didaptarna nurutkeun jabatanana pikeun asup ka Bait Allah nekanan kawajiban anu ditetepkeun ku Harun karuhunna, pikeun ngalakonan papakon-papakon GUSTI Allah Israil.

²⁰Kapala-kapala kulawarga turunan Lewi salian ti eta: Yehdeya bin Subael, turunan Amram;

²¹Yisia, turunan Rebaya;

²²Yahat bin Selomit, turunan Yishar,

²³Putra-putra Hebron: Kahiji Yeria, kadua Amarya, katilu Yehasiel, kaopat Yekamam;

²⁴Semir bin Mika, turunan Usiel;

²⁵Jakaria bin Yisia, turunan Usiel saderek Mika;

²⁶Mahli, Musi jeung Yaasia, turunan Merari.

²⁷Yaasia putrana tilu: Soham, Sakur jeung Ibri.

²⁸Mahli putrana dua: Elasar jeung Kis. Elasar teu aya putrana. Kis putrana hiji: Yerahmel.

³⁰Musi putrana tilu: Mahli, Eder jeung Yeremot. Eta kabeh kulawarga-kulawarga urang Lewi.

³¹Maranehna oge tiap kapala kulawarga jeung salah sahiji dulurna anu ngoraan narik elot cara baraya-barayana, para imam turunan Harun tea, disaksian ku Raja Daud, ku Sadok, ku Ahimelek, ku para kapala kulawarga imam jeung ku sakabeh urang Lewi.