Read Boros Dusun 1 BABAD 4 Bible Online

1 BABAD 4 - Boros Dusun bible

1 BABAD 4

¹Sawatara turunan Yuda nya eta: Peres, Hesron, Karmi, Hur jeung Sobal.

²Sobal puputra Raya, Raya puputra Yahat, Yahat puputra Ahumai jeung Lahad, karuhun jalma-jalma anu maratuh di Sora.

³Putra Kaleb anu cikal ti garwana anu jenengan Eprat nya eta Hur. Turunan Hur ngadegkeun kota Betlehem. Hur puputra tilu: Etam, Penuel jeung Eser. Etam puputra tilu: Yisrel, Yisma jeung Idbas, jeung hiji putra istri nya eta Haslelponi. Penuel ngadegkeun kota Gedor, ari Eser ngadegkeun Husa.

⁵Ashur, anu ngadegkeun kota Tekoa istrina dua, Hela jeung Naara.

⁶Ti Naara puputra opat: Ahusam, Heper, Temni jeung Ahastari.

⁷Ti Hela puputra tilu: Seret, Yishar jeung Etnan.

⁸Kos puputra Anub jeung Sobeba, karuhun jalma-jalma anu runday ti Aharhel bin Harum.

⁹Yabes, jalma anu kacida diajenanana ku saderek-saderekna. Dijenenganan Yabes teh ku ibuna, sabab diowokeunana kacida nyerina.

¹⁰Yabes neneda ka Allah Israil, piunjukna, ”Gusti, abdi nyuhunkeun berkah sareng tanah masing seueur. Mugi abdi diraksa tina kacilakaan anu matak nyeri.” Panedana ku Allah dimakbul.

¹¹Kaleb, saderek Suha, puputra Mehir. Mehir puputra Eston.

¹²Eston puputra tilu: Bet Rapa, Paseah jeung Tehina. Tehina ngadegkeun kota Nahas. Turunan ieu jalma-jalma maratuhna di Reka.

¹³Kenas, putrana dua, Otniel jeung Seraya. Otniel putrana dua, Hatat jeung Monotai.

¹⁴Monotai puputra Opra. Seraya puputra Yoab anu ngadegkeun Lebak Patukangan, tempat jalma-jalma anu arahli barang jieun.

¹⁵Kaleb bin Yepune putrana tilu: Iru, Ela jeung Naam. Ela puputra Kenas.

¹⁶Yehalalel putrana opat: Sip, Sipa, Tirya jeung Asarel.

¹⁷Esrah putrana opat: Yeter, Mered, Eper jeung Yalon. Mered nikah ka Bitia putra raja Mesir, puputra hiji istri dua pameget. Nu istri Miryam, nu pameget Samai jeung Yisbah. Yisbah ngadegkeun kota Estemoa. Ti istrina anu ti kaom Yuda putrana tilu: Yered, anu ngadegkeun kota Gedor; Heber, anu ngadegkeun kota Soko; jeung Yekutiel, anu ngadegkeun kota Sanoa.

¹⁹Hodia, nikahna ka saderek Naham. Turunanana jadi bani Garmi, anu maratuhna di kota Kehila jeung kaom Maaka, anu maratuhna di kota Estemoa.

²⁰Simon putrana opat: Amnon, Rina, Benhanan jeung Tilon. Yishi, putrana dua: Sohet jeung Bensohet.

²¹Turunan Sela bin Yuda kaasup oge: Er, anu ngadegkeun kota Leka; Lada, anu ngadegkeun kota Maresa; aya oge anu maratuh di kota Bet Asbea, pagaweanana kana ninun lenen;

²²Yokim jeung jalma-jalma anu maratuh di kota Koseba; Yoas jeung Sarap, anu narikahna ka awewe urang Moab, anu saterusna maratuh di Betlehem. (Ieu catetan geus kacida kolotna.)

²³Ieu jalma-jalma jaradi tukang nyieunan barang gagarabah pikeun kaperluan raja, maratuhna di kota Netaim jeung Gedera.

²⁴Simeon putrana lima: Nemuel, Yamin, Yarib, Serah, jeung Saul.

²⁵Saul puputra Salum, Salum puputra Mibsam, Mibsam puputra Misma.

²⁶Runtuyan turunan ti Misma nya eta Hamuel, Sakur, jeung Simi.

²⁷Simi puputra genep belas pameget genep istri. Tapi putra wargi-wargina mah saeutik, ku sabab eta kaom Simeon mah henteu sakumaha ngalobaanana cara kaom Yuda.

²⁸Nepi ka jaman Raja Daud turunan Simeon maratuhna teh di kota-kota Bersyeba, Molada, Hasar Sual,

²⁹Bilha, Esem, Tolad,

³⁰Betuel, Hormah, Siklag,

³¹Bet Markabot, Hasar Susim, Betbiri, jeung Saaraim.

³²Aya oge anu di Etam, Ain, Rimon, Token, jeung Asan,

³³jeung di desa-desa sakurilingeunana, terus ngidul ngetan nepi ka Baalat, tetep renggenek di dinya tur boga silsilah sorangan.

³⁴Jalma-jalma anu jaradi lulugu di kaomna masing-masing nya eta: Mesobab, Yamlek, Yosa bin Amasia, Yoel, Yehu bin Yosibya bin Seraya bin Asiel, Elyuenai, Yaakoba, Yesohaya, Asaya, Adiel, Yesimiel, Benaya, Sisa bin Sipi bin Alon (turunan Yedaya, Simri jeung Semaya). Ku sabab beuki ngalobaan,

³⁹seug nyebar nyaliara meh nepi ka Gerar, ngarangon domba di hiji lebak sabeulah ti wetan deukeut Gerar.

⁴⁰Tuluy maranggih tanah sampalan montok, nya lega, nya aman, nya genah. Tadina anu maratuh di dinya teh urang Ham.

⁴¹Jaman Hiskia ngarajaan di Yuda, maranehna ngagempur Gerar, kemah-kemah jeung pondok-pondok urang dinya dibukbak, pangeusina sina nyaringkah, tempatna terus diandih, sabab di dinya loba pisan tanah sampalan pikeun ingon-ingonna.

⁴²Kaom Simeon aya anu terus ngetan ka tanah Edom lima ratus urang, diluluguan ku anak-anak Yishi: Pelaca, Narya, Repaya, jeung Usiel.

⁴³Sesa-sesa urang Amalek anu di darinya diparaehan, tempatna diandih nepi ka ayeuna.