Read Boros Dusun AYUB 12 Bible Online

AYUB 12 - Boros Dusun bible

AYUB 12

¹”Atuh nu kitu mah geus lumrah. Nu kawas kitu mah mun jelemana paeh kanyahona oge paeh.

³Kuring ge kanyaho teh loba, teu beda ti anjeun, kalah ka kumaha ge moal eleh. Nu dicaturkeun bieu ku anjeun, sarerea ge geus nyaho.

⁴Behna mah sobat-sobat ge bet nyeungseurikeun. Tur kuring teh sakitu benerna, teu boga salah. Tapi iraha-iraha ge panyambat kuring ku Allah tangtu didangu.

⁵Kena-kena keur sarenang, wani ngulinkeun ka kuring, sasat ngalelepkeun nu titeuleum.

⁶Tapi biasa, bangsat jeung jalma-jalma nu teu baroga Allah mah, najan miallahna teh ngan kana kakuatan sorangan, sok teu burung hirupna sarenang.

⁷Aranjeun mah ka bangsa manuk jeung margasatwa ge, perlu keneh diajar.

⁸Pek tatanya ka mahluk darat jeung laut tina hal pangartina.

⁹Kabeh ge nyarahoeun, yen maranehna beunang ngadamel panangan Allah.

¹⁰Memang Allah anu ngatur kahirupan mahluk-Na, hirupna tiap manusa aya dina kawasa Mantenna.

¹¹Ceuli teh gunana pikeun ngadengekeun omongan, cara letah pikeun ngarasakeun ngeunahna kadaharan.

¹²Jalma nu geus karolot baroga hikmat, tapi Allah mah nya kagungan hikmat nya kagungan kakawasaan, jalma anu geus karolot baroga paham, ari Allah mah paham kagungan, wewenang kagungan.

¹⁴Nu diruag ku Allah taya nu bisa ngadegkeun deui. Anu dikurung ku Allah, taya anu bisa ngaleupaskeun.

¹⁵Mun Mantenna nahan hujan, heug halodo. Mun cai ku Mantenna dibedahkeun, ger caah.

¹⁶Mantenna digjaya, salalawasna unggul. Nu hianat, nu dihianat, duanana aya dina kakawasaana-Na.

¹⁷Kapinteran pangagung dirampas, para pamingpin disina barodo.

¹⁸Raja-raja dirorod didamel sakitan.

¹⁹Imam-imam jeung nu ngasta kawasa direndahkeun.

²⁰Jalma-jalma nu dipake pananggeuhan dibungkem, pangarti jalma karolot dirorod.

²¹Jalma nu ngasta kawasa dihina, para pangagung dieuweuhkeun kakuatanana.

²²Tempat anu poek mongkleng ku Mantenna sina caang.

²³Mantenna nu ngersakeun bangsa-bangsa jembar digjaya, Mantenna keneh anu ngapeskeunana.

²⁴Pamingpinna disina barodo. Sina kapaider sararasab.

²⁵Gupuy-gapay di nu poek, tingjarigjeug siga nu mabok.