Read Boros Dusun JABUR 136 Bible Online

JABUR 136 - Boros Dusun bible

JABUR 136

¹Haturkeun nuhun ka PANGERAN, demi kasaeana-Na, asih-Na langgeng.

²Haturkeun nuhun ka nu pangagungna ti sakabeh dewa, asih-Na langgeng.

³Haturkeun nuhun ka nu pangkawasana ti sakabeh pangeran, asih-Na langgeng.

⁴Ngan Mantenna, nu ngadamel mujijat-mujijat agung, asih-Na langgeng.

⁵Ku kawijaksanaanana Mantenna ngadegkeun langit asih-Na langgeng.

⁶Mantenna ngadegkeun bumi di luhureun cai jero, asih-Na langgeng.

⁷Mantenna ngadamel panonpoe jeung bulan, asih-Na langgeng;

⁸panonpoe geusan ngarajaan beurang, asih-Na langgeng.

⁹bulan jeung bentang-bentang geusan ngaratuan peuting, asih-Na langgeng.

¹⁰Mantenna maehan cikal-cikal urang Mesir, asih-Na langgeng.

¹¹Mantenna nuyun urang Israil budal ti Mesir, asih-Na langgeng;

¹²ku pananganana anu kuat jeung bedas, asih-Na langgeng.

¹³Mantenna meulahkeun Laut Beureum, asih-Na langgeng,

¹⁴umat-Na dituyun nyorang eta laut, asih-Na langgeng,

¹⁵sabalikna raja Mesir jeung baladna diteuleumkeun, asih-Na langgeng.

¹⁶Mantenna mingpin umat-Na nyorang gurun keusik, asih-Na langgeng.

¹⁷Mantenna maehan raja-raja anu garagah, asih-Na langgeng.

¹⁸Mantenna maehan raja-raja anu kasohor, asih-Na langgeng,

¹⁹maehan Sihon, raja urang Emor, asih-Na langgeng,

²⁰maehan Og, raja Basan, asih-Na langgeng.

²¹Tanah maranehna ku Mantenna diserenkeun ka umat-Na, asih-Na langgeng,

²²dipasihkeun ka Israil, abdi Mantenna, asih-Na langgeng.

²³Mantenna henteu lali waktu urang kasoran, asih-Na langgeng.

²⁴Mantenna ngaleupaskeun urang ti musuh, asih-Na langgeng.

²⁵Mantenna maparin dahareun ka sakabeh mahluk hirup, asih-Na langgeng.

²⁶Haturkeun nuhun ka Allah nu murbeng langit, asih-Na langgeng.