Read Boros Dusun JABUR 48 Bible Online

JABUR 48 - Boros Dusun bible

JABUR 48

¹Jabur golongan Korah. Maha agung PANGERAN, pohara kudu dimulyakeunana di kota Allah urang, di gunung-Na anu suci.

²Sion, gunungna Allah, luhur jeung endah, kotana Raja Agung, anu nyukakeun sakuliah jagat.

³Allah geus netelakeun, yen di jero benteng eta kota, Mantenna aman santosa.

⁴Raja-raja ngahiji, daratang ngajorag, rek narajang Gunung Sion.

⁵Tapi barang eta geus katarenjoeun, maranehna ngajarenghok, tuluy lalumpatan sarieuneun.

⁶Leungit pangacianana, sarta katarajang paur kawas awewe rek ngajuru,

⁷lir kapal dibuntang-banting ku angin ribut.

⁸Urang geus ngadenge anu geus dipidamel ku Allah. Ayeuna urang nenjo buktina di kota Allah urang, PANGERAN Nu Maha Kawasa. Ieu kota ku Mantenna disina reugreug salalanggengna.

⁹Di lebet Bait Gusti, nun Allah, abdi sadaya ngemut-ngemut satia asih Gusti.

¹⁰Di mana-mana, jalmi-jalmi maruji ka Gusti. Kamashuran Gusti kawentar ka saalam dunya. Gusti marentah kalawan adil,

¹¹urang Sion barungah! Gusti parantos nerapkeun hukum adil, kota-kota di Yuda garerah.

¹²He umat Allah, puteran Sion sakurilingna, itung munarana,

¹³ilikan tembok-tembokna, tengetan benteng-bentengna, ambeh jaga bisa nyarita kieu ka turunan:

¹⁴”Allah teh Allah urang salalanggengna. Mantenna baris nuyun urang taya kendatna.”