Read Boros Dusun JABUR 63 Bible Online

JABUR 63 - Boros Dusun bible

JABUR 63

¹Jabur Daud basa keur aya di tanah gurun bawahan Yuda.

²Nun Allah, nya Anjeun Allah abdi. Abdi kangen ka Gusti. Sakujur diri ngaraos tibelat ka Gusti lir tanah keri, garing tara kasorang ku cai nya kitu jiwa abdi teh halabhabna ka Gusti.

³Mugi abdi tiasa ningal Gusti di tempat anu suci, sangkan ningal kumaha mulyana sareng agungna Gusti.

⁴Satia asih Gusti langkung utami ti batan hirup, eta margina abdi sumeja muji ka Gusti.

⁵Saumur-umur sumeja nembongkeun katumarimaan, nadahkeun leungeun neneda ka Gusti.

⁶Nyawa abdi bakal pesta tur sugema, abdi sumeja muji ku lagu suka, ngamulyakeun ka Gusti.

⁷Keur ngedeng di enggon, emut ka Gusti, sawewengi ngemut-ngemut Gusti,

⁸wireh Gusti salamina nulungan bae. Dina kalangkang jangjang Gusti, abdi bade nyanyi gumbira.

⁹Ka Gusti abdi muntang dina panangan Gusti abdi aman.

¹⁰Sabalikna nu ngarah nyawa abdi bakal tarurun ka dunyana nu paraeh,

¹¹bakal paraeh di pangperangan, bangke-bangkena dihakan ku ajag.

¹²Dupi raja bakal bingah margi disina unggul ku Allah. Sakur anu ikrar kalayan nyebat jenengan Allah bakal maruji ka anjeunna. Sawangsulna jalmi-jalmi tukang bohong sungutna bakal barungkem.