Read Boros Dusun JABUR 8 Bible Online

JABUR 8 - Boros Dusun bible

JABUR 8

¹Pikeun pamingpin biduan. Nurutkeun lagu Gitit. Jabur Daud.

²Nun PANGERAN, Gusti abdi sadaya, kaagungan Gusti tembong di sakuliah jagat! Kamulyaan Gusti maratan langit;

³dinyanyikeun ku barudak sareng orok. Gusti reugreug, aman ti sadaya musuh, sing sakur anu ngalawan ku Gusti dibungkem.

⁴Ana abdi narawang langit, damelan Gusti, bulan sareng bentang-bentang kenging Gusti merenahkeun,

⁵manusa teh naon, ku Gusti dugi ka dipikaemut; naon manusa teh, ku Gusti dugi ka dipirosea?

⁶Dipidamelna ku Gusti meh nyaruaan Gusti ku manten, dimakutaan ku kamulyaan sareng kahormatan,

⁷sina murba ka sugri dadamelan Gusti, sina marentah sadaya mahluk;

⁸domba sareng sapi, katut sasatoan pangeusi leuweung,

⁹manuk-manuk sareng lauk sareng saniskanten mahluk di laut.

¹⁰Nun PANGERAN, Gusti abdi sadaya, kaagungan Gusti tembong di sakuliah jagat!