Read Boros Dusun JABUR 80 Bible Online

JABUR 80 - Boros Dusun bible

JABUR 80

¹Pikeun pamingpin biduan. Cara lagu Kembang Bakung. Panaksen Asap. Jabur.

²Nun Gusti Pangangon Israil, nun panungtun pakumpulan, dangukeun. Nun anu linggih dina tahta luhureun mukarabin,

³ebrehkeun salira Gusti ka kaom-kaom Epraim, Binyamin sareng Menase. Pintonkeun kakawasaan, jait abdi sadaya.

⁴Pulihkeun abdi sadaya, nun Allah! Sing welas ka abdi-abdi, tangtos abdi-abdi salamet.

⁵Nun GUSTI, Allah Nu Maha Kawasa, naha bade bendu keneh, ngantep panyambat umat?

⁶Ku Gusti lir disina dahar kasusah, lir disina nginum cipanon sacangkir ageung.

⁷Gusti ngajeunkeun tanah abdi diparebutkeun ku bangsa-bangsa sakurilingeun, abdi-abdi pada ngahina ku musuh-musuh.

⁸Pulihkeun abdi sadaya, nun Allah Nu Maha Kawasa! Sing welas ka abdi-abdi, tangtos abdi-abdi salamet.

⁹Gusti parantos nyandak hiji tangkal anggur ti Mesir, ngusiran bangsa-bangsa, lajeng eta petetan teh dipelak di tanah maranehna.

¹⁰Disina ngagedean, tempatna diberesihan, dugi ka akarna nyaliara ka sakuliah nagara.

¹¹Gunung-gunung katutup ku daunna tangkal-tangkal kiputri raksasa kahieuman ku dahan-dahanna.

¹²Dahan-dahanna ngararambat dugi ka Laut Tengah, pucuk-pucukna dugi ka Walungan Eprat.

¹³Ku naon pagerna ku Gusti direbahkeun? Buahna seep dipalingan ku nu laliwat,

¹⁴diidek-idek ku bagong leuweung, sareng diranjah ku sato-sato alas.

¹⁵Tingali ieu abdi-abdi, nun Allah Nu Maha Kawasa! Tingali ti sawarga! Jait ieu umat Gusti teh!

¹⁶Salametkeun ieu tangkal anggur pelak Gusti teh, kenging Gusti mulasara dugi ka gedena.

¹⁷Ayeuna ku musuh diduruk, dituar; tumpurkeun musuh teh ku bendu Gusti.

¹⁸Umat kenging Gusti milih, bangsa kenging Gusti nohagakeun, mugi diraksa.

¹⁹Moal deui-deui abdi-abdi nyingkir ti Gusti, mugi ku Gusti dipaparin hirup, sumeja muji ka Gusti.

²⁰Pulihkeun abdi sadaya, nun GUSTI, Allah Nu Maha Kawasa! Sing welas ka abdi-abdi, tangtos abdi-abdi salamet.