Read Boros Dusun BILANGAN 17 Bible Online

BILANGAN 17 - Boros Dusun bible

BILANGAN 17

¹PANGERAN ngandika ka Musa,

²”Urang Israil pentaan iteuk dua welas siki, hiji iteuk ti unggal pamingpin kaom masing-masing. Ngaran anu bogana tuliskeun dina iteukna.

³Ngaran Harun tulis dina iteuk wakil urang Lewi. Jadi hiji iteuk ti saban pamingpin kaom.

⁴Bawa ka Kemah Kami, teundeun hareupeun Peti Perjangjian paranti Kami mayunan maneh.

⁵Jelema anu ku Kami kapilih, iteukna bakal sirungan. Hal ieu ku Kami rek dipake jalan ngeureunkeun gegelendengna urang Israil, ulah sina ngaralawan bae ka maneh.”

⁶Musa mundutan ka urang Israil hiji iteuk ti unggal pamingpin kaom, jumlah dua welas iteuk. Iteuk Harun dicampurkeun ka dinya.

⁷Ku Musa tuluy diteundeun di Kemah Suci hareupeun Peti Perjangjian.

⁸Poe isukna sasumpingna ka Kemah, katingali iteuk Harun anu ngawakilan urang Lewi teh sirungan, pucukan, kembangan, malah buahan geus arasak, kanari!

⁹Ku Musa ditembongkeun kabeh ka urang Israil. Sanggeus katarenjoeun kitu kajadianana, iteuk teh dicarokot deui ku nu bogana masing-masing.

¹⁰Ti dinya PANGERAN ngandika ka Musa, ”Iteuk Harun teundeun deui hareupeun Peti Perjangjian, pikeun jadi peringetan ka jelema-jelema anu daroraka yen teu meunang gegelendeng deui bisi tariwas.”

¹¹Eta timbalan PANGERAN ku Musa dijalankeun.

¹²Ti dinya urang Israil arunjukan ka Musa, ”Upami kitu mah tiwas atuh abdi-abdi teh!

¹³Asal deukeut-deukeut ka Kemah Suci, saha bae oge moal teu tiwas. Sami bae sareng parantos tiwas ieu mah!”