Read Boros Dusun BILANGAN 26 Bible Online

BILANGAN 26 - Boros Dusun bible

BILANGAN 26

¹Sanggeus balahi nu tadi, PANGERAN ngandika ka Musa jeung Elasar putra Harun. Pangandika-Na,

²”Urang Israil cacahkeun, nurutkeun ahli karuhun masing-masing, anu umurna dua puluh taun atawa leuwih, anu geus manjing jadi prajurit.”

³Ku Musa jeung Elasar jalma-jalma nu umurna sakitu sina kumpul di hiji tanah lapang di Moab, sisi Walungan Yordan deukeut kota Yeriho. Ieu catetan urang Israil anu budal ti Mesir.

⁴

⁵Turunan ti kaom Rubin putra cikal Yakub: Kaom-kaom Hanok, Palu,

⁶Hesron, jeung Karmi.

⁷Ti ieu kaom-kaom, lalakina aya 43.730 urang.

⁸Turunan Palu nya eta Eliab

⁹jeung anak-anakna: Nemuel, Datan, jeung Abiram. (Datan jeung Abiram teh dua kapala anu dipilih ku urang Israil, anu nangtang ka Musa jeung Harun bariluk ka Korah ngalawan ka PANGERAN,

¹⁰sarta tariwas jeung Korah dilegleg ku taneuh bareng jeung 250 urang anu bariluk ka maranehna sarta tariwas ku seuneu. Eta kajadian jadi hiji peringetan ka urang Israil.

¹¹Tapi anak-anak Korah mah henteu kabawa tiwas.)

¹²Turunan ti kaom Simeon: Kaom-kaom Nemuel, Yamin, Yakin,

¹³Serah, jeung Saul.

¹⁴Lalakina aya 22.200 urang.

¹⁵Turunan ti kaom Gad: Kaom-kaom Yepon, Hagi, Suni,

¹⁶Osni, Eri,

¹⁷Arod, jeung Areli.

¹⁸Lalakina aya 40.500 urang.

¹⁹Turunan ti kaom Yuda: Kaom-kaom Sela, Peres, Serah, Hesron, jeung Hamul. (Aya dua putra Yuda anu tilar dunya di Kanaan, nya eta Er jeung Onan.)

²⁰

²¹

²²Lalakina aya 76.500 urang.

²³Turunan ti kaom Isaskar: Kaom-kaom Tola, Puah,

²⁴Yasub, jeung Simron.

²⁵Lalakina aya 64.300 urang.

²⁶Turunan ti kaom Sebulun: Kaom-kaom Sered, Elon, jeung Yahlel.

²⁷Lalakina aya 60.500 urang.

²⁸Turunan ti kaom Yusup, ti putrana anu ngaran Menase jeung Epraim.

²⁹Turunan ti kaom Menase: Menase puputra Mahir, Mahir puputra Gilad. Turunan Gilad nya eta:

³⁰Kaom-kaom Ieser, Helek,

³¹Asriel, Sekem,

³²Semida, jeung Heper.

³³Heper puputra Selopehad, ari Selopehad anakna awewe kabeh, ngaranna: Mahla, Noa, Hogla, Milka, jeung Tirsa.

³⁴Lalakina aya 52.700 urang.

³⁵Anak incu ti kaom Epraim: Kaom-kaom Sutelah, Beker jeung Tahan.

³⁶Ti turunan Sutelah nya eta kaom Eran.

³⁷Lalakina aya 32.500 urang. Eta catetan kaom-kaom ti putra putu Yusup.

³⁸Anak incu ti kaom Binyamin: Kaom-kaom Bela, Asbel, Ahiram,

³⁹Sepupam, jeung Hupam.

⁴⁰Ari turunan Bela nya eta kaom Arda jeung kaom Naaman.

⁴¹Lalakina aya 45.600 urang.

⁴²Anak incu ti kaom Dan: Suham.

⁴³Lalakina aya 64.400 urang.

⁴⁴Anak incu ti kaom Aser: Kaom-kaom Yimna, Yiswi, jeung Beria.

⁴⁵Ari turunan Beria nya eta kaom Heber jeung kaom Malkiel.

⁴⁶Aser boga anak awewe ngaranna Serah.

⁴⁷Jumlah lalaki ti ieu kaom-kaom aya 53.400 urang.

⁴⁸Anak incu ti kaom Naptali: Kaom-kaom Yahsel, Guni,

⁴⁹Yeser, jeung Silem.

⁵⁰Lalakina aya 45.400 urang.

⁵¹Jumlah lalaki urang Israil kabeh aya 601.730 urang.

⁵²PANGERAN ngandika deui ka Musa,

⁵³”Tanah teh bagi-bagikeun ka unggal kaom nurutkeun ukuran cacah jiwana.

⁵⁴Ngabagikeunana kudu ku lotre. Bagian anu lega bikeun ka kaom anu cacah jiwana loba, bagian anu heureut bikeun ka kaom anu cacah jiwana saeutik.”

⁵⁵

⁵⁶

⁵⁷Anak incu ti kaom Lewi nya eta kaom-kaom Gerson, Kahat, jeung Merari.

⁵⁸Ari turunan ti maranehna kaasup oge kaom-kaom Libni, Hebron, Mahli, Musi, jeung Korah. Ari Kahat teh nya eta ramana Amram.

⁵⁹Amram nikah ka Yokebed binti Lewi, anu dilahirkeunana di Mesir. Putra Amram ti Yokebed anu pameget nya eta Harun jeung Musa, anu istri Miryam.

⁶⁰Harun kagungan opat putra pameget nya eta Nadab, Abihu, Elasar, jeung Itamar.

⁶¹Nadab jeung Abihu tiwas lantaran ngukus ka PANGERAN ku seuneu nu henteu halal.

⁶²Jalma lalaki urang Lewi ti umur sabulan ka luhur aya 23.000 urang. Didaptarna dipisah ti urang Israil nu lian, sabab ieu mah moal mareunang tanah milik di Israil.

⁶³Dicacahkeunana ku Musa jeung Elasar waktu nyacahkeun urang Israil di hiji tanah lapang di Moab, sisi Walungan Yordan deukeut kota Yeriho.

⁶⁴Ari jelema-jelema anu dicacahkeun ku Musa jeung Harun basa di Gurun Keusik Sinai keneh, harita geus teu araya.

⁶⁵Kajaba ti Kaleb bin Yepune jeung Yosua bin Nun. Nu sejenna mah geus paraeh di tanah gurun. Kitu kersaning PANGERAN, sakumaha timbalana-Na.