Read Boros Dusun BILANGAN 29 Bible Online

BILANGAN 29 - Boros Dusun bible

BILANGAN 29

¹Dina tanggal hiji bulan katujuh maraneh kudu ngadegkeun kumpulan ngabakti jeung teu meunang digarawe. Poe eta tarompet-tarompet kudu ditiup.

²Kudu ngahaturkeun kurban beuleuman baris aangseuan anu matak sedep ka PANGERAN: hiji sapi jalu ngora, hiji domba jalu, jeung tujuh anak domba jalu umur sataunan, kabeh ulah aya cacadna naon-naon.

³Kudu make kurban kadaharan tina tipung anu diadonan ku minyak jetun, reana: tilu kilo pikeun sapi, dua kilo pikeun domba jalu,

⁴sakilo pikeun tiap anak domba.

⁵Jeung kudu make kurban pamupus dosa pikeun nyirnakeun dosa jalma rea, hiji embe badot.

⁶Sanggakeun eta kurban-kurban teh, jadi panambah kana kurban beuleuman, kurban anggur jeung kurban kadaharan anu sapopoe, pikeun aangseuan anu matak sedep ka PANGERAN.

⁷Dina tanggal sapuluh bulan katujuh kudu ngadegkeun kumpulan ngabakti, teu meunang barang dahar naon-naon jeung teu meunang digarawe.

⁸Kudu nyanggakeun kurban beuleuman pikeun aangseuan anu matak sedep ka PANGERAN, nya eta: hiji sapi jalu ngora, hiji domba jalu, jeung tujuh anak domba jalu umur sataunan, kabeh ulah aya cacadna naon-naon.

⁹Kudu make kurban kadaharan tina tipung anu diadonan ku minyak jetun, reana: tilu kilo pikeun sapi, dua kilo pikeun domba,

¹⁰sakilo pikeun tiap anak domba.

¹¹Jeung deui kudu ngahaturkeun embe jalu hiji pikeun upacara pamupus dosa umat, sajaba ti kurban pamupus dosa, kurban beuleuman, kurban asongan jeung kurban cianggur anu dihaturkeun dina poe eta.

¹²Dina tanggal lima welas bulan katujuh kudu ngadegkeun kumpulan ngabakti. Ieu pesta pikeun ngamulyakeun PANGERAN, lilana tujuh poe jeung teu meunang digarawe.

¹³Dina poe ngamimitianana kudu nyanggakeun kurban kadaharan pikeun aangseuan anu matak sedep ka PANGERAN, nya eta: Tilu welas sapi ngora jalu, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

¹⁴Kudu make kurban kadaharan tina tipung anu diadonan ku minyak jetun, reana: tilu kilo pikeun tiap sapi, dua kilo pikeun tiap domba,

¹⁵sakilo pikeun tiap anak domba, ditambah ku kurban anggur.

¹⁶Jeung kudu make kurban pamupus dosa, hiji embe badot. Sanggakeun eta kurban-kurban teh pikeun panambah kana kurban beuleuman, kurban kadaharan jeung kurban anggur anu sapopoe.

¹⁷Poe kaduana kudu nyanggakeun dua welas sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

¹⁸Jaba ti eta kudu make kurban-kurban sejen saperti anu disanggakeun dina poe kahiji.

²⁰Poe katiluna kudu nyanggakeun sawelas sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

²¹Jaba ti eta kudu make kurban-kurban sejen saperti anu disanggakeun dina poe kahiji.

²³Poe kaopat kudu nyanggakeun sapuluh sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

²⁴Jaba ti eta kudu make kurban-kurban sejen saperti anu disanggakeun dina poe kahiji.

²⁶Poe kalima kudu nyanggakeun salapan sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

²⁷Jaba ti eta kudu make kurban-kurban sejen saperti anu dikurbankeun dina poe kahiji.

²⁹Poe kagenep kudu nyanggakeun dalapan sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

³⁰Jaba ti eta kudu make kurban-kurban sejen saperti anu dikurbankeun dina poe kahiji.

³²Poe katujuh kudu nyanggakeun tujuh sapi jalu ngora, dua domba jalu, jeung opat welas anak domba jalu umur sataunan, kabeh ulah aya cacadna naon-naon.

³³Jaba ti eta kudu make kurban-kurban sejen saperti anu dikurbankeun dina poe kahiji.

³⁵Poe kadalapan kudu ngadegkeun kumpulan ngabakti, jeung teu meunang digarawe.

³⁶Kudu nyanggakeun kurban beuleuman pikeun aangseuan anu matak sedep ka PANGERAN: hiji sapi jalu ngora, hiji domba jalu, jeung tujuh anak domba jalu umur sataunan, kabeh ulah aya cacadna naon-naon.

³⁷Jaba ti eta kudu make kurban-kurban saperti anu dikurbankeun dina poe kahiji.

³⁹Kitu pikukuhna hal kurban beuleuman, kurban kadaharan, kurban anggur, jeung kurban panarima anu ku maraneh kudu disanggakeun ka PANGERAN dina saban-saban poe pesta maraneh. Eta kabeh jadi panambah kana kurban pikeun nekanan panadaran jeung kurban ku karana andon suka.

⁴⁰Sagala timbalan PANGERAN tea ku Musa diumumkeun ka sakumna urang Israil.