Read Boros Dusun BILANGAN 34 Bible Online

BILANGAN 34 - Boros Dusun bible

BILANGAN 34

¹PANGERAN ngandika deui ka Musa,

²ngandikakeun ieu parentah pikeun urang Israil, ”Di mana maraneh geus arasup ka Kanaan, tanah anu ku Kami rek dipaparinkeun, wawatesan eta tanah teh bakal kieu:

³Di beulah kidul watesna ti tanah gurun Sin malipid di sapanjang tanah Edom, mimiti ti wetan tungtung kidul Laut Paeh.

⁴Ti dinya mengkol ngidul ka jalan Akrabim parat ngaliwatan Sin nepi ka Kades Barnea di kidul. Ti dinya nyela bumi ngaler ngulon nepi ka Hasar Adar terus ka Asmon,

⁵mengkol ka lebak di wates tanah Mesir, anggeus di basisir Laut Tengah.

⁶Di beulah kulon watesna Laut Tengah.

⁷Di beulah kaler watesna mimiti ti basisir Laut Tengah terus mapay nepi ka Gunung Hor.

⁸Ti dinya terus ka jalan Hamat, terus keneh nepi ka Sedad,

⁹terus ka Sipron, anggeus di Hasar Enan.

¹⁰Di beulah wetan watesna mimiti ti Hasar Enan terus mapay nepi ka Sepam.

¹¹Ti dinya mengkol ngidul ka Harbel di wetaneun Ain, terus nepi ka pasir-pasir di basisir Talaga Galilea beulah wetan,

¹²tuluy ngidul mapay Walungan Yordan nepi ka Laut Paeh. Bakal kitu opat wawatesan tanah maraneh teh.”

¹³Geus kitu Musa ngalahir ka urang Israil, ”Ieu tanah pikeun maraneh teh. Pek lotrekeun, sabab ku PANGERAN geus diajangkeun pikeun salapan kaom jeung anu satengah kaom deui.

¹⁴Sabab kaom Rubin, kaom Gad jeung kaom Menase anu saparona geus baroga bagian sarta geus dibagi-bagi nurutkeun saahli karuhunna masing-masing,

¹⁵di peuntaseun Walungan Yordan beulah wetan nampeu ka Yeriho.”

¹⁶PANGERAN nimbalan deui ka Musa,

¹⁷timbalana-Na, ”Imam Elasar jeung Yosua bin Nun sina ngabagikeun ieu tanah ka urang Israil,

¹⁸sina dibantuan ku para pamingpin ti tiap kaom.”

¹⁹PANGERAN nangtoskeun jelema-jelemana nya eta: [Ti Kaom] — [Pamingpinna] Yuda — Kaleb bin Yepune Simeon — Selumi bin Amihud Binyamin — Elidad bin Kislon Dan — Buki bin Yogli Menase — Haniel bin Epod Epraim — Kemuel bin Siptan Sebulun — Elisapan bin Parnak Isaskar — Paltiel bin Asan Aser — Ahihud bin Selomi Naptali — Pedahel bin Amihud

²⁹Sakitu jelema-jelema anu ku PANGERAN ditangtoskeun sina ngabagikeun tanah milik ka urang Israil di tanah Kanaan.