Read Boros Dusun YOSUA 15 Bible Online

YOSUA 15 - Boros Dusun bible

YOSUA 15

¹Tanah bagian kulawarga-kulawarga kaom Yuda ieu wawatesanana: Daerahna kebat ka tungtung tanah gurun Sin pangkidulna, wates tanah Edom.

²Ieu wates kidul, mimitina ti tungtung kidul Laut Paeh,

³ti Akrabim ngidul ka tanah Sin, terus ka Kades Barnea kidul, ngaliwatan Hesron, terus nanjak ka Adar, mengkol ka Karka,

⁴terus ka Asmon mapay-mapay anak walungan wawatesan Mesir, bras ka Laut Tengah, anggeus. Eta wates tanah Yuda ti beulah kidul, anu oge jadi wates beulah kidul sakumna nagri Israil.

⁵Wates ti wetan nya eta Laut Paeh, mapay jalan nepi ka muara Walungan Yordan. Ari wates kaler, mimitina ti ieu muara

⁶nanjak ka Bet Hogla, terus ngaler mapay tonggong gunung tonggoheun Lebak Yordan. Ti dieu terus nanjak ka Cadas Bohan. (Bohan teh anakna Rubin.)

⁷Ti Lebak Akor (hartina Lebak Sangsara) nanjak ka Debir, mengkol ngaler ka Gilgal lebah anu paeunteung-eunteung jeung tanjakan Adumim, landeuh sisi kidulna. Terusna ka cinyusu En Semes, kaluar ka En Rogel,

⁸nanjak liwat Lebak Hinom sisi pasir beulah kidul, urut kota Yerusalem, kota urang Yebus. Wates dieu terus nanjak ka puncak pasir kuloneun Lebak Hinom, tungtung kaler Lebak Repaim.

⁹Ti dinya terus ka cinyusu Neptoa, bras ka kota-kota deukeut Gunung Epron. Lebah dinya mengkol ka Baala (anu katelah Kiryat Yarim),

¹⁰tuluy muteran Baala beulah kulon, laju ka kota pagunungan Edom, malipid ka sisi Gunung Yarim (atawa Kesalon) beulah kaler, mudun ka Bet Semes, terus ngaliwatan Timna.

¹¹Ti dinya watesna kaluar ka pasir kalereun Ekron, mengkol ka Sikron, ngaliwatan Gunung Baala, terus ka Yabnel, kebat ka Laut Tengah,

¹²di dieu beak wates kulon. Di jero wewengkon ieu maratuhna kulawarga-kulawarga kaom Yuda teh.

¹³Aya daerah Yuda sabagian anu ku Yosua diselehkeun ka Kaleb bin Yepune kaom Yuda, numutkeun timbalan PANGERAN, nya eta tanah Hebron, kota bogana Arba karuhun urang Enak.

¹⁴Turunan Enak, nya eta kaom Sesai, kaom Ahiman jeung kaom Talmai, ku Kaleb diusir ti dinya.

¹⁵Sanggeus ngusir eta, terus ngarurug ka pribumi anu di Debir. Ngaran Debir tadina Kiryat Seper.

¹⁶Ceuk Kaleb, ”Anu bisa ngarebut Kiryat Seper, rek dikawinkeun ka anak Bapa, Nyi Aksa.”

¹⁷Ari anu bisa ngarebutna nya eta anakna Kenas dulur Kaleb keneh, ngaranna Otniel, tuluy dikawinkeun ka Nyi Aksa.

¹⁸Dina poean nikahna, Nyi Aksa ku Otniel diolo-olo sina menta lahan ka bapana. Nyi Aksa turun tina tonggong kalde, ku Kaleb ditanya kahayangna.

¹⁹Jawabna, ”Hoyong gaduh tanah nu aya sumber caina, da tanah anu ku Bapa dipaparinkeun ti payun mah tanah garing.” Ku Kaleb ditedunan, dibere lahan beulah girang jeung beulah hilir anu aya sumber caina.

²⁰Ieu tanah milik warga-warga kaom Yuda.

²¹Kota-kota milik maranehna anu di tungtung kidul, anu dareukeut ka wates tanah Edom, nya eta: Kabsel, Eder, Yagur,

²²Kina, Dimona, Adada,

²³Kedes, Hasor, Yitnan,

²⁴Sip, Telem, Balot,

²⁵Hasor Hadata, Keriot Hesron (atawa Hasor),

²⁶Amam, Sema, Molada,

²⁷Hasar Gada, Hesmon, Bet Pelet,

²⁸Hasar Sual, Bersyeba, Bisotia,

²⁹Baala, Iyim, Esem,

³⁰Eltolad, Kesil, Horma,

³¹Siklag, Madmana, Sansana,

³²Lebaot, Silhim, Ain jeung Rimon. Jumlahna dua puluh salapan kota katut desa-desa sakurilingeunana.

³³Kota-kota anu di suku gunung, nya eta: Estaol, Sora, Asna,

³⁴Sanoa, En Ganim, Tapua, Enam,

³⁵Yarmut, Adulam, Soko, Aseka,

³⁶Saaraim, Aditaim, Gedera jeung Gederotaim; jumlahna opat belas kota katut desa-desa sakurilingeunana.

³⁷Oge: Senan, Hadasa, Migdal Gad,

³⁸Dilan, Mispa, Yoktel,

³⁹Lakis, Boskat, Eglon,

⁴⁰Kabon, Lahmam, Kitlis,

⁴¹Gederot, Bet Dagon, Naama jeung Makeda; jumlahna genep belas kota katut desa-desa sakurilingeunana.

⁴²Oge: Libna, Eter, Asan,

⁴³Yiptah, Asna, Nesib,

⁴⁴Kehila, Aksib jeung Maresa; jumlahna salapan kota katut desa-desa sakurilingeunana.

⁴⁵Ekron katut desa-desa jeung lembur-lemburna,

⁴⁶jeung sakabeh kota katut desa-desana deukeut Asdod, ti Ekron nepi ka basisir Laut Tengah.

⁴⁷Asdod jeung Gasa, katut desa-desa jeung lembur-lemburna, kebat tepi ka anak walungan wates Mesir jeung basisir Laut Tengah.

⁴⁸Kota-kota pagununganana: Samir, Yatir, Soko,

⁴⁹Dana, Kiryat Seper (atawa Debir),

⁵⁰Anab, Estemoa, Anim,

⁵¹Gosen, Holon jeung Gilo; jumlahna sawelas kota katut desa-desa sakurilingeunana.

⁵²Oge: Arab, Duma, Esan,

⁵³Yanim, Bet Tapua, Apeka,

⁵⁴Humta, Hebron jeung Sior; salapan kota katut desa-desa sakurilingeunana.

⁵⁵Oge: Maon, Karmel, Sip, Yuta,

⁵⁶Yisrel, Yokdam, Sanoah,

⁵⁷Kain, Gibea jeung Timna; sapuluh kota katut desa-desa sakurilingeunana.

⁵⁸Oge: Halhul, Bet Sur, Gedor,

⁵⁹Maarat, Bet Anot jeung Eltekon; genep kota katut desa-desa sakurilingeunana.

⁶⁰Oge: Kiryat Baal (atawa Kiryat Yarim) jeung Raba; dua kota katut desa-desa sakurilingeunana.

⁶¹Kota-kota anu di gurun keusik nya eta: Bet Araba, Midin, Sekaka,

⁶²Nibsan, Kota Uyah jeung En Gedi; genep kota katut desa-desa sakurilingeunana.

⁶³Tapi urang Yebus mah anu maratuh di Yerusalem ku urang Yuda henteu bisa disingkahkeun. Nepi ka ayeuna oge urang Yebus mah araraya bae reujeung urang Yuda.