Read Swahilli 1 Mambo ya Siku 11 Bible Online

1 Mambo ya Siku 11 - Swahilli bible

1 Mambo ya Siku 11

¹Kisha Waisraeli wote walikusanyika mbele ya Daudi kule Hebroni, wakamwambia: “Sisi ni mwili na damu yako.

²Zamani, Saulo alipokuwa mufalme wewe ndiwe uliyewaongoza Waisraeli katika vita, na Yawe, Mungu wako alikuambia: ‘Utakuwa muchungaji wa watu wangu Waisraeli, na utakuwa mukubwa wa watu wangu Waisraeli.’ ”

³Basi, wazee wote wa Waisraeli wakamwendea mufalme kule Hebroni; naye Daudi akafanya agano nao mbele ya Yawe, halafu wakamupakaa Daudi mafuta akuwe mufalme wa Waisraeli kulingana na neno la Yawe lililotolewa kwa njia ya Samweli.

⁴Nyuma ya hayo Daudi na Waisraeli wote walikwenda Yerusalema, muji uliojulikana kwa jina la Yebusi, na ambao wenyeji wake walikuwa Wayebusi.

⁵Wakaaji wa Yebusi wakamwambia Daudi: “Hautaingia katika muji huu.” Hata hivyo, Daudi akanyanganya makimbilio ya Sayuni, ni kusema muji wa Daudi.

⁶Halafu Daudi akasema: “Mutu atakayetangulia kuwapiga Wayebusi, atakuwa mukubwa na jemadari katika jeshi.” Basi Yoabu mwana wa Zeruya, akakuwa wa kwanza kuwashambulia, hivyo akakuwa mukubwa.

⁷Daudi alikaa katika makimbilio yale, na kwa hiyo, muji ule ukaitwa “Muji wa Daudi.”

⁸Akajenga muji ule, akianzia uwanja wa Milo, na kuuzunguka wote, na Yoabu akatengeneza muji ule upya.

⁹Naye Daudi akazidi kuwa mukubwa kwa sababu Yawe wa majeshi alikuwa pamoja naye.

¹⁰Haya ndiyo majina ya wakubwa wa mashujaa wa Daudi, ambao pamoja na watu wengine wote wa Israeli, walimwunga mukono kwa pamoja kusudi akuwe mufalme, sawa na neno Yawe alilotoa juu ya Waisraeli.

¹¹Haya ndiyo majina ya mashujaa wale wa Daudi: Yasobeamu, wa ukoo wa Hakemoni, aliyekuwa kiongozi wa “Wale makumi tatu.”[4] Yeye alipigana kwa mukuki wake akaua watu mia tatu kwa mara moja katika vita.

¹²Halafu aliyefuata kati ya wale mashujaa watatu alikuwa Eleazari mwana wa Dodo, wa ukoo wa Ahoa.

¹³Siku moja Eleazari alikuwa pamoja na Daudi kule Pasi-Damimu, wakati Wafilistini walipokusanyika kupigana vita. Kule kulikuwa shamba lenye shayiri tele, lakini Waisraeli wakawakimbia Wafilistini.

¹⁴Lakini wakasimama imara katikati ya shamba lile kwa kulikinga, wakaua Wafilistini; Yawe akawaokoa kwa kuwapa ushindi mukubwa.

¹⁵Kisha mashujaa watatu kati ya wakubwa makumi tatu wakamwendea Daudi kwenye mulima wa pango la Adulamu. Wakati ule jeshi la Wafilistini lilikuwa limepiga kambi katika bonde la Refaimu.

¹⁶Naye Daudi wakati ule alikuwa katika maficho, nalo jeshi la Wafilistini lilikuwa katika muji wa Betelehemu.

¹⁷Daudi akapatwa na hamu kubwa akasema: “Heri kama mutu angeweza kunipa maji ya kunywa kutoka katika kisima cha Betelehemu kinachokuwa karibu na mulango wa muji!”

¹⁸Wale mashujaa wake watatu wakatoka, wakapenya katikati ya kambi ya jeshi la Wafilistini, wakaenda na kuchota maji katika kisima cha Betelehemu, karibu na mulango wa muji, wakamuletea Daudi. Lakini Daudi akakataa kuyakunywa, na kwa pahali pake akayamwanga chini kama sadaka kwa Yawe

¹⁹akisema: “Tendo kama hili lipite mbali nami; siwezi kulifanya mbele ya Mungu wangu. Basi ninaweza kunywa damu ya maisha ya watu hawa? Maana kwa kuyahatarisha maisha yao walileta maji haya.” Kwa hiyo Daudi hakukunywa maji yale. Hayo ndiyo mambo waliyotenda wale mashujaa watatu.

²⁰Abisai, ndugu ya Yoabu, alikuwa mukubwa wa mashujaa makumi tatu. Yeye alipigana kwa mukuki wake na watu mia tatu, akawaua, akajipatia jina kati ya wale mashujaa watatu.

²¹Basi, akaheshimiwa zaidi kati ya mashujaa makumi tatu, hata akakuwa jemadari wao, lakini hakukuwa shujaa kama wale mashujaa watatu.

²²Benaya mwana wa Yehoyada, kutoka muji wa Kabuseli, alikuwa askari shujaa[5] ambaye alifanya mambo mengi ya ajabu. Aliua mashujaa wawili kutoka Moabu, na siku moja wakati wa baridi kali, akashuka na kuua simba ndani ya shimo.

²³Vilevile, akamwua Mumisri mumoja, urefu wake ulikuwa metre mbili na nusu, naye alikuwa akibeba mukuki mukubwa sana katika mukono wake, kama muti wa mufumaji wa nguo. Lakini Benaya akamushambulia akiwa na fimbo tu, akamunyanganya mukuki ule, na kumwua Mumisri yule kwa mukuki wake mwenyewe.

²⁴Benaya mwana wa Yehoyada alifanya mambo hayo, akajipatia sifa kati ya wale mashujaa watatu.

²⁵Basi, akakuwa mwenye heshima kati ya wale mashujaa makumi tatu, ingawa hakukuwa shujaa kama wale mashujaa watatu. Na Daudi akamupa cheo cha mukubwa wa walinzi wake wa kipekee.

²⁶Hawa ndio waaskari shujaa wa Daudi: Asaheli ndugu ya Yoabu, Elihanani mwana wa Dodo, wa Betelehemu, Samoti wa Harodi, Helesi wa Peloni, Ira mwana wa Ikesi wa Tekoa, Abiezeri wa Anatoti, Sibekai wa Husa, Ilai wa Ahohi, Maharai wa Netofati, Heledu mwana wa Bana wa Netofati, Itai mwana wa Ribai, kutoka Gibea katika kabila la Benjamina, Benaya wa Piratoni, Hurai kutoka vijito vya Gasi, Abieli wa Araba, Azimaweti wa Baharumu, Eliaba wa Salaboni, wana wa Yaseni wa Gizoni, Yonatani mwana wa Sage wa Harari, Ahiyamu mwana wa Sakari wa Harari, Elifali mwana wa Uri, Heferi wa Mekerati, Ahiya wa Peloni, Hesero wa Karmeli, Naarai mwana wa Esibai, Yoeli ndugu ya Natani, Mibuhari mwana wa Hagiri, Zeleki wa Amoni, Naharai wa Beroti aliyekuwa mubebaji wa silaha wa Yoabu mwana wa Zeruya, Ira na Garebu, waliokuwa wa Itiri, Uria Muhiti, Zabadi mwana wa Alai, Adina mwana w(...)