Read Swahilli 1 Mambo ya Siku 25 Bible Online

1 Mambo ya Siku 25 - Swahilli bible

1 Mambo ya Siku 25

¹Mufalme Daudi na viongozi wa Walawi, wakachagua wazao wa Asafu, wa Hemani, na wa Yedutuni, kwa kuongoza katika kazi ya kutabiri kwa kutumia vinubi, na vinanda na matoazi. Haya ndiyo majina ya wale waliochaguliwa kwa kuongoza ibada, pamoja na aina ya kazi iliyofanywa na kila kikundi:

²Wana wa Asafu: Zakuri, Yosefu, Netania na Asarela. Hao walikuwa chini ya uongozi wa Asafu aliyetabiri wakati wote chini ya uongozi wa mufalme.

³Wana wa Yedutuni: Gedalia, Seri, Yesaya, Simei, Hasabia na Matitia. Wao walikuwa chini ya uongozi wa baba yao; na walitabiri kwa kutumia vinubi, na wakimushukuru na kumutukuza Yawe.

⁴Wana wa Hemani: Bukia, Matania, Usieli, Sebueli, Yeremoti, Hanania, Hanani, Eliyata, Gidalti, Romamuti-Ezeri, Yosibekasa, Maloti, Hotiri na Mahasioti.

⁵Mungu alimupatia Hemani aliyekuwa akitabiria mufalme, wana hawa kumi na wane, na wabinti watatu, kama vile alivyoahidi kwa kumutukuza.

⁶Wana wake wote walipiga muziki kwa matoazi, vinanda na vinubi, kwenye ibada katika nyumba ya Yawe wakiwa chini ya uongozi wa baba yao. Asafu, Yedutuni na Hemani walikuwa chini ya uongozi wa mufalme.

⁷Hesabu yao pamoja na wale wandugu zao Walawi waliofundishwa kumwimbia Yawe, wote waliokuwa wafundi, ilikuwa mia mbili na makumi nane na wanane.

⁸Wakapiga kura juu ya utaratibu wa kazi, kwa wakubwa kama vile kwa wadogo, kwa walimu kama vile kwa wanafunzi. Haya ndiyo majina ya wakubwa wa vikundi ambao kura iliwaangukia: ya kwanza: Yosefu wa jamaa ya Asafu; ya pili: Gedalia ya tatu: Zakuri ya ine: Isiri ya tano: Netania ya sita: Bukia ya saba: Asarela ya nane: Yesaya ya kenda: Matania ya kumi: Simei ya kumi na moja: Azareli ya kumi na mbili: Hasabia ya kumi na tatu: Sebueli ya kumi na ine: Matitia ya kumi na tano: Yeremoti ya kumi na sita: Hanania ya kumi na saba: Yosibekasa ya kumi na nane: Hanani ya kumi na kenda: Maloti ya makumi mbili: Eliyata ya makumi mbili na moja: Hotiri ya makumi mbili na mbili: Gidalti ya makumi mbili na tatu: Mahasioti ya makumi mbili na ine: Romamuti-Ezeri Kila mukubwa pamoja na watu wengine wa jamaa yake walikuwa kikundi kimoja cha watu kumi na wawili.