Read Swahilli 2 Mambo ya Siku 10 Bible Online

2 Mambo ya Siku 10 - Swahilli bible

2 Mambo ya Siku 10

¹Basi, Rehoboamu akaenda Sekemu, ambako Waisraeli wote walikuwa wamekusanyika kwa kumuweka kuwa mufalme.

²Naye Yeroboamu mwana wa Nebati alipopata habari juu ya tendo hilo, wakati ule alikuwa angali anaishi Misri alikokwenda alipomukimbia Solomono, alirudi kutoka Misri.

³Lakini Waisraeli walituma ujumbe na kumwita. Kisha, yeye pamoja na Waisraeli wote walimwendea Rehoboamu na kumwambia:

⁴“Baba yako alitubebesha muzigo muzito. Basi, utupunguzie muzigo ule, nasi tutakutumikia.”

⁵Rehoboamu akawajibu: “Mwende murudie kwangu nyuma ya siku tatu.” Basi wakaondoka.

⁶Nyuma, Rehoboamu akataka kujua maoni ya wazee ambao walikuwa washauri wa baba yake Solomono alipokuwa angali muzima, akawauliza: “Munanishauria kwamba niwape jibu gani watu hawa?”

⁷Wazee wale wakamujibu: “Ukiwahurumia watu hawa, ukiwafurahisha na kusema nao maneno mazuri, pale watakuwa watumishi wako siku zote.”

⁸Lakini Rehoboamu alizarau shauri la wazee na kwa pahali pake akashauriana na vijana waliokomaa pamoja naye ambao walikuwa washauri wake.

⁹Basi, akawauliza: “Ninyi munatoa shauri gani kusudi tuweze kuwajibu watu hawa walioniambia: ‘Punguza muzigo ambao baba yako alitubebesha?’ ”

¹⁰Wale vijana wakamujibu: “Watu waliokuambia ‘Baba yako alitubebesha muzigo muzito, lakini wewe utupunguzie’, wewe uwaambie hivi: ‘Kidole changu kidogo cha mwisho ni kinene zaidi kuliko kiuno cha baba yangu.

¹¹Muzigo wa baba yangu ulikuwa muzito, lakini wangu utakuwa muzito zaidi. Baba yangu aliwapiga kwa mijeledi, lakini mimi nitawapiga kwa mijeledi yenye miiba.’ ”

¹²Basi katika siku ya tatu Yeroboamu pamoja na watu wote wakarudi kwa Rehoboamu kama vile alivyokuwa amewaagiza.

¹³Naye mufalme Rehoboamu akawajibu kwa ukali, akazarau shauri la wazee,

¹⁴na kufuata shauri la vijana wenzake. Basi akasema: “Baba yangu aliwabebesha muzigo muzito, lakini mimi nitaufanya kuwa muzito zaidi. Baba yangu aliwapiga kwa mijeledi, lakini mimi nitawapiga kwa mijeledi yenye miiba”

¹⁵Halafu mufalme hakuwajali watu kwa sababu jambo hili lilisababishwa na Mungu kusudi Yawe atimize neno lake alilomwambia Yeroboamu, mwana wa Nebati kwa njia ya Ahiya wa Shilo.

¹⁶Lakini watu wote wa Israeli walipoona kwamba mufalme hakuwajali walimwambia: “Hatuna ushirika na Daudi! Hatuna urizi kutoka kwa mwana wa Yese. Kila mumoja arudie kwake, enyi watu wa Israeli! Utunze nyumba yako mwenyewe, ee Daudi!” Hivyo Waisraeli wote wakarudi kila mutu kwake.

¹⁷Lakini Rehoboamu alitawala watu wa Israeli waliokaa katika miji ya Yuda.

¹⁸Kisha mufalme Rehoboamu akamutuma Hadoramu[3] aliyekuwa musimamizi wa kazi za kulazimishwa, nao watu wa Israeli walimupiga mawe, wakamwua. Halafu Rehoboamu akapanda ndani ya gari lake haraka akakimbilia Yerusalema.

¹⁹Hivyo, watu wa Israeli wakakuwa katika hali ya uasi juu ya utawala wa ukoo wa Daudi mpaka leo.