Read Swahilli 2 Mambo ya Siku 11 Bible Online

2 Mambo ya Siku 11 - Swahilli bible

2 Mambo ya Siku 11

¹Rehoboamu alipofika Yerusalema, alikusanya waaskari wafundi wa vita elfu mia moja na makumi nane wa makabila ya Yuda na Benjamina, apate kupigana na utawala wa Israeli, kusudi aurudishe utawala kwake yeye mwenyewe Rehoboamu.

²Lakini neno la Yawe lilimufikia Semaya, yule mutu wa Mungu, kusema hivi:

³“Umwambie Rehoboamu mwana wa Solomono, mufalme wa Yuda na Waisraeli wote katika Yuda na Benjamina kwamba

⁴Bwana anasema hivi: ‘Musiende wala musipigane na wandugu zenu. Murudie kila mutu kwake, maana yale yaliyotokea ni kwa kufuata mupango wangu.’ ” Basi wakatii ujumbe wa Yawe, wakarudia kila mutu kwake, wala hawakwenda kupigana na Yeroboamu.

⁵Rehoboamu alikaa Yerusalema na akajenga kuta kwa kuimarisha miji hii iliyokuwa katika inchi ya Yuda:

⁶Betelehemu, Etamu, Tekoa,

⁷Beti-Suri, Soko, Adulamu,

⁸Gati, Maresa, Zifu,

⁹Adoraimu, Lakisi, Azeka,

¹⁰Zora, Ayaloni na Hebroni. Miji hiyo yenye kuzungukwa kuta iko Yuda na Benjamina.

¹¹Aliziimarisha kuta zile na mule ndani akaweka majemadari na magala ya vyakula, mafuta na divai.

¹²Ndani ya kila muji, aliweka ngao na mikuki, na kuifanya miji hiyo kuwa imara sana. Yuda na Benjamina zikakuwa chini ya mamlaka yake.

¹³Makuhani na Walawi wote waliokuwa wanaishi kote katika inchi ya Israeli, wote wakavuka mupaka wao na kumwendea.

¹⁴Walawi wakaacha mashamba yao ya malisho ya nyama, na maeneo yao mengine kwa sababu Yeroboamu na wana wake waliwakataza kumutumikia Yawe kama vile makuhani wa Yawe.

¹⁵Yeroboamu akajichagulia makuhani wake mwenyewe wa kutumika kwenye nafasi za ibada za miungu na wa kuabudu mizimu na sanamu za wana-ngombe alizojitengenezea.

¹⁶Watu wote ambao walikuwa wamekusudia kwa moyo kumwabudu Yawe, Mungu wa Israeli, kutoka katika makabila yote ya Israeli, waliandamana na Walawi mpaka Yerusalema kusudi wapate kumutolea sadaka Yawe, Mungu wa babu zao.

¹⁷Hivyo, wakaimarisha ufalme wa Yuda, na kwa muda wa miaka mitatu, wakauunga mukono utawala wa Rehoboamu mwana wa Solomono, ukakuwa imara na wakaishi katika hali ileile waliyoishi wakati walipokuwa chini ya utawala wa mufalme Daudi na mufalme Solomono.

¹⁸Rehoboamu alioa muke, jina lake Mahalati binti ya Yeremoti mwana wa Daudi. Mama yake aliitwa Abihaili binti ya Eliabu, mwana wa Yese.

¹⁹Naye akamuzalia wana watatu: Yeusi, Semaria na Zahamu.

²⁰Kisha, akamwoa Maka binti ya Abusaloma, naye akamuzalia Abiya, Atai, Siza na Selomiti.

²¹Rehoboamu alioa wake kumi na wanane na wahabara makumi sita, akazaa wana makumi mbili na wane na wabinti makumi sita. Kati ya wake zake wote na wahabara wake, alimupenda zaidi Maka binti ya Abusaloma.

²²Hivyo akamuchagua Abiya, mwana wa Maka, kuwa mukubwa kati ya wandugu zake, maana alikusudia kumufanya kuwa mufalme.

²³Rehoboamu alifanya jambo la hekima, akawatawanya wamoja kati ya wana wake katika inchi yote ya Yuda na Benjamina akiwaweka katika miji yote yenye kuzungukwa na kuta. Wakiwa mule, akawapa vyakula vingi na vilevile akawaoea wake wengi.