Read Swahilli 2 Mambo ya Siku 18 Bible Online

2 Mambo ya Siku 18 - Swahilli bible

2 Mambo ya Siku 18

¹Wakati mufalme Yosafati wa Yuda alipokuwa amekwisha kuwa mutu tajiri na mwenye heshima, alifanya mupango wa ndoa kati ya jamaa yake, na jamaa ya mufalme Ahabu wa Israeli.

²Nyuma ya miaka fulani Yosafati akakwenda Samaria kumutembelea mufalme Ahabu. Ahabu akamuchinjia Yosafati kondoo na ngombe wengi, kwa heshima yake pamoja na watu waliokuwa pamoja naye, kisha akamushawishi aende pamoja naye kwa kushambulia muji wa Ramoti-Gileadi.

³Ahabu mufalme wa Israeli akamwambia Yosafati mufalme wa Yuda: “Utakwenda pamoja nami kwa kushambulia muji wa Ramoti-Gileadi?” Naye akajibu: “Mimi niko kama wewe, na watu wangu ni kama watu wako. Tutakuwa pamoja nawe katika vita.”

⁴Kisha Yosafati akaendelea kumwambia mufalme wa Israeli: “Lakini ninakusihi uombe kwanza shauri la Yawe.”

⁵Basi Ahabu akakusanya manabii mia ine, akawauliza: “Twende kushambulia muji wa Ramoti-Gileadi, au nisiende?” Wakamujibu: “Kwenda! Mungu atakupatia ushindi!”

⁶Lakini, Yosafati akauliza: “Hapa hakuna nabii mwingine wa Yawe ambaye tunaweza kumwuliza shauri?”

⁷Naye mufalme wa Israeli akamujibu Yosafati: “Kungali mumoja, Mikaya mwana wa Imula. Yeye tunaweza kumwuliza shauri la Yawe. Lakini ninamuchukia sana kwa sababu yeye hatabiri jambo jema juu yangu hata kidogo, lakini mabaya tu.” Yosafati akamwambia: “Si vizuri kwa mufalme kusema hivyo.”

⁸Basi, Ahabu, mufalme wa Israeli akamwita mukubwa mumoja na kumwamuru: “Haraka, kwenda umulete Mikaya mwana wa Imula.”

⁹Wakati ule, mufalme wa Israeli pamoja na Yosafati, mufalme wa Yuda, walikuwa wameikaa katika viti vyao vya kifalme kwenye kiwanja cha kupepetea ngano kwenye mulango wa kuingilia muji wa Samaria nao walikuwa wakivaa nguo zao za kifalme. Wakati ule manabii wote walikuwa wakitoa unabii wao mbele yao.

¹⁰Kisha mumoja wa manabii wale, Zedekia mwana wa Kenana, akajitengenezea pembe za chuma na kusema: “Yawe anasema hivi: ‘Kwa pembe hizi, utawarudisha nyuma Wasuria hata kuwaangamiza.’ ”

¹¹Na wale manabii wengine wakatabiri vile vile wakasema: “Kwenda kushambulia muji wa Ramoti-Gileadi na kufanikiwa. Yawe atautia katika mikono yako.”

¹²Wakati ule, yule mutumishi aliyetumwa kwa Mikaya akamwambia: “Manabii wengine wote kwa pamoja wamemutabiria mufalme ushindi; tafazali nawe vilevile ufanye kama wao umutabirie mazuri.”

¹³Lakini Mikaya akamujibu: “Kama vile Yawe anavyoishi, kile Mungu wangu atakachoniambia, ndicho nitakachosema.”

¹⁴Basi Mikaya alipofika mbele ya mufalme, mufalme akamwuliza: “Twende kupigana vita kule Ramoti-Gileadi au nisiende?” Mikaya akajibu: “Kwenda na ufanikiwe, naye Yawe atawatia katika mikono yako.”

¹⁵Lakini mufalme akamwambia: “Nitakuapisha mara ngapi kwamba kila mara unaposema nami kwa jina la Yawe, unapaswa kuniambia ukweli?”

¹⁶Naye Mikaya akasema: “Niliwaona watu wote wa Israeli wakitawanyika juu ya milima kama kondoo wasiokuwa na muchungaji. Naye Yawe akasema: ‘Watu hawa hawana kiongozi; uwaache warudi kila mutu kwake kwa amani.’ ”

¹⁷Halafu mufalme wa Israeli akamwambia Yosafati: “Sikukuambia kwamba hatatabiri jema juu yangu, lakini mabaya tu?”

¹⁸Kisha Mikaya akasema: “Basi sikia neno la Yawe: Nilimwona Yawe akikaa katika kiti chake cha kifalme na jeshi lake lote la mbinguni likisimama upande wake wa kuume na wa kushoto.

¹⁹Halafu Yawe akauliza: ‘Ni nani atakayemushawishi Ahabu mufalme wa Israeli aende aangamie kule Ramoti-Gileadi?’ Kila mumoja akajibu sawa alivyofikiri.

²⁰Kisha, pepo mumoja akajitokeza mbele ya Yawe, akasema: ‘Mimi nitamushawishi.’ Yawe akamwuliza: ‘Kwa njia gani?’

²¹Naye akajibu: ‘Nitakwenda na kuwasukuma manabii wake wote waseme uongo.’ Yawe akamwambia: ‘Wewe utamushawishi na utashinda; kwenda kufanya hivyo.’

²²“Basi sasa angalia: Yawe ametia pepo wa uongo katika vinywa vya manabii wako. Lakini Yawe amesema mabaya juu yako!”

²³Kisha nabii Zedekia mwana wa Kenana akamukaribia Mikaya, akamupiga kofi kwenye shavu na kumwuliza: “Kwa njia gani Roho wa Yawe ameniacha na akakuja kusema nawe?”

²⁴Mikaya akamujibu: “Utatambua mambo haya siku ile utakapoingia katika chumba cha ndani kwa kujificha.”

²⁵Naye mufalme wa Israeli akatoa amri: “Mumukamate Mikaya mumurudishe kwa Amoni, liwali wa muji, na kwa Yoasi, mwana wa mufalme,

²⁶na kusema: ‘Mufalme anasema hivi: Mumuweke mutu huyu katika kifungo na kumulisha kwa mukate kidogo na maji kidogo, mpaka nitakaporudi salama.’ ”

²⁷Mikaya akasema: “Ukirudi salama, basi, utajua kwamba Yawe hakusema nami.” Kisha akaendelea kusema: “Musikie, enyi watu wote!”

²⁸Basi, mufalme wa Israeli akaenda pamoja na Yosafati mufalme wa Yuda kwa kuushambulia muji wa Ramoti-Gileadi.

²⁹Mufalme wa Israeli akamwambia Yosafati: “Mimi nitavaa nguo zisizokuwa za kifalme kwa kuingia katika vita, lakini wewe utavaa nguo yako ya kifalme.” Hivyo mufalme wa Israeli akaenda kwa vita bila kuvaa nguo za kifalme.

³⁰Mufalme wa Suria alikuwa amewaamuru wakubwa wa waaskari wake waliosimamia magari yake ya vita akisema: “Musipigane na mutu ye yote mukubwa au mudogo, lakini tu na mufalme wa Israeli.”

³¹Halafu wakubwa wale walipomwona Yosafati, wakasema: “Huyu ndiye mufalme wa Israeli.” Kwa hiyo, wakamwelekea kwa kumushambulia; lakini Yosafati akapiga kelele, na Yawe akamwokoa. Mungu akawaondoa wale waliokuwa karibu kumushambulia.

³²Wakubwa wa waaskari walipotambua kwamba hakukuwa mufalme wa Israeli, wakaacha kumushambulia, wakarudi.

³³Lakini askari mumoja wa Suria akauvuta upinde wake, kwa kubahatisha, akamupiga mufalme wa Israeli mushale katika nafasi ya maunganio ya nguo yake ya chuma ya kujikinga kifua. Hapo Ahabu akamwambia mwongozi wa gari lake la vita: “Geuza gari uniondoe katika vita nimeumizwa.”

³⁴Nayo mapigano siku ile, yakazidi kuwa makali wakati mufalme wa Israeli amejiegemeza mwenyewe ndani ya gari akiwaelekea Wasuria mpaka magaribi. Halafu wakati jua liliposhuka, akakufa.