Read Swahilli 2 Mambo ya Siku 19 Bible Online

2 Mambo ya Siku 19 - Swahilli bible

2 Mambo ya Siku 19

¹Mufalme Yosafati wa Yuda akarudi salama katika nyumba yake ya kifalme katika muji wa Yerusalema.

²Lakini nabii Yehu mwana wa Hanani, akakwenda kukutana na mufalme, akamwambia: “Unazani ni vema kuwasaidia waovu na kuwapenda wanaomuchukia Yawe? Mambo uliyofanya yamekuletea kasirani ya Yawe.

³Lakini, kuna wema fulani ndani yako. Umekwisha kuondoa sanamu zote za Ashera, mungu wa kike, na umejikaza sana kumutafuta Mungu kwa moyo wote.”

⁴Mufalme Yosafati akakaa Yerusalema, lakini hata hivyo, mara kwa mara aliwatembelea watu wa Beri-Seba upande wa kusini, mpaka kwenye milima ya Efuraimu, upande wa kaskazini. Alifanya hivyo kwa kuwavuta watu wamurudilie Yawe, Mungu wa babu zao.

⁵Akaweka waamuzi katika miji yote ya Yuda yenye kuta,

⁶akawaambia: “Muwe waangalifu sana wakati munapoamua, kwa maana hukumu munayotoa hamuitoi kwa amri ya mwanadamu, lakini kwa amri inayotoka kwa Yawe, naye yuko pamoja nanyi munapotoa uamuzi.

⁷Basi, sasa mumwogope Yawe, mukuwe waangalifu katika kila jambo mutakalotenda kwa sababu Yawe wetu hatavumilia upotoshaji wa haki, wala upendeleo wala upokeaji wa kituliro.”

⁸Katika muji wa Yerusalema, Yosafati akaweka Walawi makuhani na wakubwa wa jamaa za Waisraeli wakuwe waamuzi wa magomvi yanayoelekea sheria za Yawe, au ugomvi kati ya wakaaji wa muji.

⁹Akawaamuru akisema: “Ndivyo mutakavyotenda mukimwogopa Yawe, kwa uaminifu na kwa moyo wote.

¹⁰Kila mara wandugu zenu kutoka katika muji wowote wanapowaletea mashitaki yoyote juu ya uuaji, kuvunja Sheria, amri, kanuni au maagizo, muwashaurie vema kusudi wasimukosee Yawe. Musipofanya hivyo, ninyi pamoja na wandugu zenu mutapatwa na kasirani ya Yawe. Lakini mukitenda vile, hamutakuwa na kosa.

¹¹Amaria, Kuhani Mukubwa, ndiye atakayesimamia mambo yote yanayoelekea Yawe, naye Zebadia mwana wa Isimaeli, musimamizi wa inchi ya Yuda atasimamia mambo yote ya utawala, na Walawi watakuwa wakubwa. Mujipe moyo mutimize masharti haya, naye Yawe akuwe pamoja nao wanaokuwa wema.”