Read Swahilli 2 Mambo ya Siku 28 Bible Online

2 Mambo ya Siku 28 - Swahilli bible

2 Mambo ya Siku 28

¹Ahazi alianza kutawala akiwa na umri wa miaka makumi mbili, alitawala kwa muda wa miaka kumi na sita kule Yerusalema. Yeye, hakufuata mufano muzuri wa Daudi babu yake, lakini alitenda maovu mbele za Yawe,

²na kufuata mienendo ya wafalme wa Israeli. Vilevile, alitengeneza hata sanamu za Mabali za madini yenye kuyeyushwa,

³akafukiza ubani kwenye Bonde la mwana wa Hinomu na kuwateketeza wana wake kama sadaka, akiiga desturi za kuchukiza za watu ambao walifukuzwa na Yawe wakati Waisraeli walipokuwa wanaingia katika inchi.

⁴Alitoa sadaka na kufukiza ubani pahali pa kuabudia miungu mingine, juu ya vilima na chini ya kila muti wenye majani mabichi.

⁵Yawe, Mungu wake akamwacha mufalme Ahazi ashindwe na mufalme wa Suria ambaye vilevile akawapeleka watu wake wengi, akarudi nao Damasiki. Vilevile, alimufanya ashindwe na mufalme wa Israeli ambaye alimushinda na kuua watu wengi sana.

⁶Peka, mwana wa Remalia akawaua watu wengi sana. Aliua waaskari mashujaa wa Yuda elfu mia moja na makumi mbili katika siku moja. Ilitokea vile kwa sababu walimwacha Yawe, Mungu wa babu zao.

⁷Zikiri, askari mumoja shujaa wa Israeli, alimwua Maseya, mwana wa mufalme, Azirikamu, musimamizi wa nyumba ya kifalme, na Elekana aliyekuwa mutu wa pili kwa mufalme.

⁸Jeshi la Israeli likapeleka wafungwa wandugu zao watu elfu mia mbili, wanawake na watoto. Waliwapeleka mpaka Samaria pamoja na mali nyingi waliyonyanganya.

⁹Lakini kule Samaria kulikuwa nabii wa Yawe, jina lake Obedi. Yeye alitoka kwenda kukutana na waaskari wa Israeli walipokuwa karibu kuingia Samaria, akawaambia: “Yawe, Mungu wa babu zenu, alikuwa amewakasirikia watu wa Yuda, ndiyo maana aliwatia katika mikono yako lakini umewaua kwa hasira. Tendo hilo limetoka mbinguni.

¹⁰Sasa munakusudia kuwafanya wanaume na wanawake wa Yuda na Yerusalema watumwa wenu. Hamutambui kwamba ninyi vilevile mumetenda zambi mbele ya Yawe, Mungu wenu?

¹¹Sasa sikia yale ninayosema, muwarudishe wandugu zenu na wadada zenu muliowakamata kuwa wafungwa, maana kasirani kali ya Yawe iko juu yenu.”

¹²Nao wakubwa fulani wa Efuraimu, Azaria mwana wa Yohana, Berekia mwana wa Mesilemoti, Yehizikia mwana wa Salumu na Amasa mwana wa Hadilai, vilevile waliwagombeza wale waliotoka kwa vita.

¹³Wakawaambia: “Musiwalete humu wafungwa hao, kwa sababu munakusudia kutuletea kosa mbele ya Yawe, tendo hili huku litakuwa nyongezo ya zambi yetu na kosa letu; kwa sababu kosa letu tayari ni kubwa na kuna kasirani kali juu ya Israeli.”

¹⁴Hivyo, waaskari wakawaacha wafungwa wao na vitu vyote walivyonyanganya katika mikono ya wakubwa na mukutano wote.

¹⁵Wale wakubwa waliotajwa majina yao waliwatwaa wafungwa na kwa kutumia vitu vilivyonyanganywa wakawavalisha wafungwa ambao hawakukuwa na nguo; waliwapatia viatu, chakula na vinywaji, na kuwapakaa mafuta. Wale ambao walikuwa hawajiwezi, wakawabeba juu ya punda, wakawapeleka wafungwa wote mpaka Yeriko, muji wa mingazi, kwa wandugu zao; kisha wao wakarudi Samaria.

¹⁶Wakati ule, mufalme Ahazi akatuma wajumbe kwa mufalme wa Asuria kusudi awasaidie

¹⁷kwa sababu Waedomu walikuwa wamekuja tena, wakashambulia inchi ya Yuda, wakawashinda na kupeleka wafungwa wengi.

¹⁸Wakati uleule, Wafilistini walikuwa wakiishambulia miji ya Sefela na Negebu ya Yuda. Walinyanganya miji ya Beti-Semesi, Ayaloni, Gederoti, Soko na vijiji vyake, Timuna na vijiji vyake, Gimuzo na vijiji vyake, wakafanya makao yao kule.

¹⁹Kwa maana Yawe alinyenyekeza inchi ya Yuda kwa ajili ya Ahazia mufalme wa Israeli sababu yeye alifanya uasherati katika Yuda na kumwasi Yawe.

²⁰Tigilati-Pileseri, mufalme wa Asuria akamushambulia pahali pa kumutia nguvu.

²¹Kwa sababu Ahazi alitwaa zahabu kutoka katika nyumba ya Mungu, nyumba ya kifalme na nyumba za wakubwa, akamupa mufalme wa Asuria kama kodi; lakini jambo hili vilevile halikumusaidia kwa kitu.

²²Wakati alipokuwa katika taabu zaidi, mufalme huyu Ahazi alizidi kumwasi Yawe.

²³Kwa sababu alitolea sadaka kwa miungu ya Damasiki iliyokuwa imemushinda katika vita akisema: “Kwa sababu miungu ya Suria iliwasaidia wafalme wa Shamu, nikiitolea sadaka labda itanisaidia nami vilevile.” Lakini ilisababisha kuangamia kwake na taifa lote la Israeli.

²⁴Zaidi ya hayo, alikusanya vifaa vyote vya nyumba ya Mungu, akavikatakata vipandevipande, kisha akafunga milango ya nyumba ya Yawe na kujijengea mazabahu katika kila pembe ya Yerusalema.

²⁵Na katika kila muji wa Yuda, akatengeneza pahali pa kufukizia ubani kwa miungu mingine. Kwa kutenda hivyo, akamukasirikisha Yawe, Mungu wa babu zake.

²⁶Matendo yake mengine na mienendo yake yote, kutoka mwanzo mpaka mwisho, yameandikwa katika Kitabu cha Wafalme wa Yuda na Israeli.

²⁷Mufalme Ahazi alikufa na kuzikwa katika muji wa Yerusalema, lakini si katika makaburi ya wafalme wa Israeli. Na Hezekia mwana wake, akatawala pahali pake.