Read Swahilli Zaburi 112 Bible Online

Zaburi 112 - Swahilli bible

Zaburi 112

¹Haleluia! Heri mutu anayemuheshimu Yawe, anayefurahia sana kushika amri zake.

²Wazao wake watakuwa wenye nguvu katika inchi; watoto wa watu wa usawa watapata baraka.

³Ndani ya nyumba yake kutakuwa mali nyingi; haki yake utadumu milele.

⁴Mutu wa usawa anaangaziwa mwangaza katika giza; yeye ni mwenye huruma, rehema, na haki.

⁵Mutu muzuri anakopesha bila faida; anafanya shuguli zake kwa kutumia haki.

⁶Hatashindwa hata kidogo; atakumbukwa milele.

⁷Haogopi habari mbaya; moyo wake unasimama imara na anamutegemea Yawe.

⁸Yuko imara ndani ya moyo, wala hataogopa; naye ataona waadui zake wakishindwa.

⁹Anatoa kwa moyo safi, anawapa wamasikini. Haki yake inadumu milele. Ana nguvu na sifa.

¹⁰Watu waovu wanaona hayo na kuuzika. Wanasaga meno kwa chuki na kutoweka. Matumaini ya mutu mubaya yanapotea bure.