Read Swahilli Zaburi 115 Bible Online

Zaburi 115 - Swahilli bible

Zaburi 115

¹Si sisi, ee Yawe, si sisi; lakini wewe peke yako utukuzwe, kwa ajili ya wema na uaminifu wako.

²Kwa nini mataifa yanasema: “Mungu wenu yuko wapi?”

³Mungu wetu yuko mbinguni; yeye anafanya yote anayotaka.

⁴Miungu yao ni ya feza na zahabu; imetengenezwa kwa mikono ya wanadamu.

⁵Ina vinywa lakini haisemi. Ina macho lakini haioni.

⁶Ina masikio lakini haisikii. Ina pua lakini hainusi.

⁷Ina mikono lakini haipapasi. Ina miguu lakini haitembei. Haiwezi hata kidogo kutoa sauti.

⁸Wote wanaoitengeneza wanafanana nayo, na hata vilevile wote wanaoitumainia.

⁹Enyi Waisraeli, mumutumainie Yawe; yeye ndiye musaada wenu na ngao yenu.

¹⁰Enyi wazao wa Haruni, mumutumainie Yawe; yeye ndiye musaada wenu na ngao yenu.

¹¹Enyi munaomwabudu Yawe, mumutumainie, yeye ndiye musaada wenu na ngao yenu.

¹²Yawe anatukumbuka na atatubariki. Atawabariki watu wa Israeli, atawabariki wazao wa Haruni,

¹³atawabariki wote wanaomwabudu, atawabariki wakubwa kama vile wadogo.

¹⁴Yawe awajalie muongezeke; awajalie muongezeke ninyi na wazao wenu!

¹⁵Mubarikiwe na Yawe, aliyeumba mbingu na dunia.

¹⁶Mbingu ni mali ya Yawe, lakini amewapa wanadamu dunia.

¹⁷Wafu hawamusifu Yawe, wala yeyote aliyeshuka katika kuzimu.

¹⁸Lakini ni sisi tutakaomusifu Yawe, tutamusifu sasa na hata milele. Haleluia!