Read Swahilli Zaburi 140 Bible Online

Zaburi 140 - Swahilli bible

Zaburi 140

¹Kwa mukubwa wa waimbaji. Zaburi ya Daudi.

²Ee Yawe, uniokoe na watu wabaya, unikinge na watesaji wakali.

³Watu hao wanafikiri mabaya siku zote, wanaamusha ugomvi kila mara.

⁴Ndimi zao ni hatari kama za nyoka; ndani ya midomo yao kuna maneno ya sumu kama ya piri.

⁵Ee Yawe, unilinde na makucha ya wabaya; unikinge na watesaji wakali ambao wamepanga kuniangusha.

⁶Wenye kiburi wamenitegea mitego, wametandika kamba kama wavu, wameficha mitego katika njia wanikamate.

⁷Ninamwambia Yawe: “Wewe ni Mungu wangu.” Usikilize, ee Yawe, sauti ya ombi langu.

⁸Ee Yawe, Bwana wangu, mukombozi wangu mukubwa, umenikinga salama wakati wa vita.

⁹Ee Yawe, usiwape waovu vitu wanavyotaka, wala mipango yao mibaya usiifanikishe.

¹⁰Hao wanaonizunguka wanainua vichwa; uovu wa maneno yao uwapate wao wenyewe!

¹¹Makaa ya moto yawaangukie; watumbukizwe katika mashimo, wasiinuke tena.

¹²Wanaosingizia wengine wasifanikiwe katika inchi; uovu uwapate watesaji wakali na kuwaangamiza bila kukawia!

¹³Ninajua kwamba Yawe anatetea wamasikini na kuwapatia wakosefu haki.

¹⁴Hakika watu wa haki watasifu jina lako; watu wa usawa watakaa kwako.