Read Swahilli Zaburi 36 Bible Online

Zaburi 36 - Swahilli bible

Zaburi 36

¹Kwa mukubwa wa waimbaji. Zaburi ya Daudi, mutumishi wa Yawe.

²Zambi inaongea na mutu mwovu, ndani kabisa ya moyo wake; kuogopa Mungu si kitu kwake.

³Mwovu anajipendelea mwenyewe, anafikiri uovu wake hautagunduliwa na kulaaniwa.

⁴Kila anachosema ni uovu na uongo; ameacha kutumia hekima na kutenda mema.

⁵Anapolala anawaza kutenda maovu, anajiweka katika njia isiyokuwa nzuri, wala hachukii uovu.

⁶Wema wako, ee Yawe, unaenea hata mbinguni; uaminifu wako unafika hata kwenye mawingu.

⁷Haki yako ni kama milima mikubwa, hukumu zako ni kama vilindi vya bahari. Wewe, ee Yawe, unawalinda wanadamu na nyama.

⁸Kweli wema wako ni bora! Wanadamu wanakimbilia kwenye kivuli cha mabawa yako.

⁹Unawashibisha kwa utajiri wa nyumba yako; unawakunywesha katika muto wa wema wako.

¹⁰Wewe ndiwe asili ya uzima; kwa mwangaza wako tunaona mwangaza.

¹¹Uendelee kuwatendea mema wale wanaokutambua; uzidi kuokoa wenye moyo wenye kunyooka.

¹²Usikubali wenye majivuno wanishambulie, wala watu waovu wanikimbize.

¹³Kumbe watenda maovu wameanguka; wameangushwa chini, hawawezi kuinuka.