Read Swahilli Zaburi 41 Bible Online

Zaburi 41 - Swahilli bible

Zaburi 41

¹Kwa mukubwa wa waimbaji. Zaburi ya Daudi.

²Heri mutu anayeshugulikia masikini; Yawe atamwokoa wakati wa shida.

³Yawe atamulinda na kuchunga uzima wake, naye atafanikiwa katika inchi; hatamwacha katika makucha ya waadui zake.

⁴Yawe atamusaidia anapokuwa mugonjwa, atamuponyesha magonjwa yake yote.

⁵Nami nilisema: “Unirehemu, ee Yawe, uniponyeshe, maana nimekukosea.”

⁶Waadui zangu wanasema hivi vibaya juu yangu: “Atakufa wakati gani kusudi jina lake lisahauliwe!”

⁷Wananitembelea bila kuwa na nia njema, wanawaza mabaya juu yangu, wanapofika inje wanawatangazia wengine.

⁸Wote wanaonichukia wananongoneza juu yangu; wananiwazia mambo mabaya.

⁹Wanasema: “Magonjwa haya yatamwua; hatatoka tena ndani ya kitanda chake!”

¹⁰Hata rafiki yangu wa moyo niliyemwamini, rafiki aliyechangia chakula nami, amegeuka kunishambulia!

¹¹Ee Yawe, unionee huruma! Uniponyeshe, nami nitawalipiza kisasi.

¹²Hivyo nitajua kwamba unapendezwa nami, waadui zangu wasipopata ushindi juu yangu.

¹³Wewe unaniimarisha katika ukamilifu; utanichunga mbele yako milele.

¹⁴Yawe, Mungu wa Israeli, asifiwe, tangu milele na hata milele! Amina! Amina!