Read Swahilli Zaburi 44 Bible Online

Zaburi 44 - Swahilli bible

Zaburi 44

¹Kwa mukubwa wa waimbaji. Mashairi ya Wakora.

²Ee Mungu, sisi tumesikia kwa masikio yetu, babu zetu wametuelezea mambo uliyotenda nyakati zao, ndiyo mambo uliyotenda hapo kale.

³Kwa mukono wako mwenyewe uliyafukuza mataifa, na mahali pao ukawaikalisha watu wako; uliyaazibu mataifa, na kuwafanikisha watu wako.

⁴Watu wako hawakuitwaa inchi kwa silaha zao, wala hawakupata ushindi kwa nguvu zao, lakini kwa mukono wako mwenyewe, kwa kuwaangazia uso wako, maana wewe uliwapenda.

⁵Wewe ni mufalme wangu na Mungu wangu! Unawajalia ushindi wazao wa Yakobo.

⁶Kwa nguvu yako tunawashinda waadui zetu, kwa jina lako tunawakanyaga wanaotushambulia.

⁷Mimi sitegemei upinde wangu, wala upanga wangu hauwezi kuniokoa.

⁸Wewe ndiwe uliyetuokoa kutoka waadui zetu; uliwavuruga wale waliotuchukia.

⁹Siku zote tunakutukuza, ee Mungu; tutakutolea shukrani kwa milele.

¹⁰Lakini sasa umetuacha na kutufezehesha; hauendi tena na makundi yetu ya waaskari.

¹¹Umetufanya tuwakimbie waadui zetu, nao wakanyanganya mali zetu.

¹²Umetufanya kama kondoo wanaopelekwa kuchinjwa; umetutawanya kati ya mataifa.

¹³Umeuzisha watu wako kwa bei ya chini; wala haukupata faida yoyote.

¹⁴Umetupotezea heshima mbele ya jirani zetu, nao wanatuchekelea na kutuzarau.

¹⁵Umetufanya tuzarauliwe na watu wa mataifa; wanatutikisia vichwa vyao kwa kutusimanga.

¹⁶Muchana kutwa nimefezeheka, na uso wangu umejaa haya tele

¹⁷kwa ajili ya maneno na mazarau ya wenye kunitukana, kwa ajili ya waadui zangu wenye kunilipiza kisasi.

¹⁸Hayo yote yametupata sisi ijapokuwa hatujakusahau, wala hatujavunja agano lako.

¹⁹Hatujakuasi wewe, wala hatujaiacha njia yako.

²⁰Hata hivyo umetupondaponda kati ya nyama wakali; umetuacha katika giza nzito sana.

²¹Tungalikuwa tumekusahau wewe Mungu wetu, na kumukimbilia mungu wa uongo,

²²ee Mungu, ungalikwisha jua jambo hilo, kwa maana wewe unajua siri za moyo.

²³Lakini kwa ajili yako tunauawa kila siku; tunatendewa kama kondoo wa kuchinjwa.

²⁴Amuka, ee Bwana! Mbona umelala? Inuka! Tafazali usitutupe milele!

²⁵Mbona unajificha mbali nasi, na kusahau taabu na mateso yetu?

²⁶Tumeinama mpaka katika mavumbi, tumebanana na udongo.

²⁷Uinuke, ukuje kutusaidia! Utukomboe kwa sababu ya wema wako.