Read Swahilli Zaburi 62 Bible Online

Zaburi 62 - Swahilli bible

Zaburi 62

¹Kwa mukubwa wa waimbaji. Kwa mutindo wa Yedutuni. Zaburi ya Daudi.

²Kwa Mungu peke yake ninapata utulivu, wokovu wangu unatoka kwake.

³Yeye peke yake ndiye kikingio na wokovu wangu, yeye ni kimbilio langu, sitatikisika.

⁴Mpaka wakati gani mutanishambulia mimi? Mpaka wakati gani ninyi wote mutanipiga, mimi ninayekuwa kama kiambaza kilichoinama, kama ukuta unaoanza kubomoka?

⁵Mumepanga kuniangusha toka nafasi yangu ya heshima; furaha yenu ni kusema uongo. Kwa maneno, munabariki, lakini ndani ya moyo munalaani.

⁶Kwa Mungu peke yake ninapata utulivu; tumaini langu linatoka kwake.

⁷Yeye peke yake ndiye kikingio na wokovu wangu, yeye ni kimbilio langu, sitatikisika.

⁸Wokovu na utukufu wangu vinatoka kwa Mungu; kikingio changu chenye nguvu na kimbilio langu ni Mungu.

⁹Enyi watu, mutumainie Mungu siku zote; mumufungulie yanayokuwa ndani ya moyo wenu. Yeye ndiye kimbilio letu.

¹⁰Wanadamu wote ni kama pumzi tu; wote, wakubwa kwa wadogo, hawafai kitu. Wakipimwa wote pamoja, pumzi ni nzito kuliko wao.

¹¹Musitegemee kutesa, musijisifie mali ya wizi; kama mali zikiongezeka, musizitegemee.

¹²Mungu amesema mara na mara, nami nimesikia tena na tena kwamba uwezo ni wa Mungu.

¹³Nao wema ni wa Bwana wetu; anamulipa kila mutu kadiri ya matendo yake.