Read Swahilli Zaburi 76 Bible Online

Zaburi 76 - Swahilli bible

Zaburi 76

¹Kwa mukubwa wa waimbaji: kwa vyombo vyenye nyuzi. Zaburi ya Asafu. Wimbo.

²Mungu anajulikana katika Yuda; jina lake ni kubwa katika Israeli.

³Makao yake ni kule Salemu;[12] nyumba yake ni kule Sayuni.

⁴Kule alivunja mishale ya waadui; alivunja ngao, panga na silaha za vita.

⁵Ee Mungu, wewe unatukuzwa sana; unajaa utukufu kuliko milima ya milele.

⁶Wenye nguvu wamenyanganywa, sasa wamelala usingizi wa kifo, washujaa wa vita hawakuweza kutumia mikono yao.

⁷Ulipowakaripia, ee Mungu wa Yakobo, farasi na wapanda-farasi walipooza.

⁸Wewe, ee Mungu, ni wa kutisha sana! Nani anayeweza kusimama mbele yako ukikasirika?

⁹Ulijulisha hukumu yako toka mbinguni. Dunia iliogopa na kunyamaza,

¹⁰wakati ulipoinuka kutimiza hukumu, kuwaokoa wote wanaoteswa katika dunia.

¹¹Kasirani ya watu inasababisha tu sifa yako; walioponyoka katika vita watafanya sikukuu zako.

¹²Mumutimizie Yawe, Mungu wenu, ahadi zenu; enyi munaokuwa karibu, mumupe zawadi Mungu wa kutisha.

¹³Yeye anavunja kiburi cha wakubwa; anawatisha wafalme wa dunia.